Mə̀Hibrù 8:2 - Ikan feg

² Atog wə̀d azo̰ ya fàʼà inga asiŋi ze ne zḛ mànì. Asiŋi ze ya azuŋ tesiʼ ne Anɔŋisəg zìye kɔri, ne kayi wə̀d-aku kɔ̀ri.

Meta’

² Ɨ wɨə fàʼ ɨŋga əsɨ ɨwumnɨ nɨ yeʼ ɨŋwenɨ rəsìʼ we nɨ Ə̀nùŋɨ̀sɨg ziə korɨ, nɨ kaʼi bə̂d mɨ̀sɔŋɨchù korɨ.

Mə̀Hibrù 8:2 交叉參考

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Rm 15:8

Mə ya anìŋ ghà inən gha, Kristo ya bə̀ŋə ane wə̀d àfàʼì abə mə̀Ju ni chwiti gha Ŋwiye we ghìyə̀ inug mbe wì ya kàʼi abə ìmbɔb mə̀mbaʼ te aneg.

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

Kòlosè 2:11

Mbi ya fə ŋwed awən icheg ne mbə̀ yaʼi ane ifɔti tì Kristo. Si ya gha, àŋwerì azo̰ ya kayi bəd faʼi ane ibo. Àŋwerì azo̰ ya icheg we ne Kristo kɔ̀pi ìtən fìŋ, chì ikuchèg tibɔ̀ŋ we ne ìtən nyàmnyɔd te ghə̀ʼrə̀.

Mə̀Hibrù 10:11

Inga ikan anun, wə̀d mbàn Ŋwiye yaya nàʼà ighi àfàtì inga mbàn Ŋwiye ineg ijìm. Wì ya nàʼà iku ighi àfàtì afibì aghəm nɔʼ nɔʼ ni ghì gha Ŋwiye waʼ inug tibɔ̀ŋ bəd. Si ya gha, chəyi ighi mbo̰ ya kə kweʼì chì inug tibɔ̀ŋ bəd.

Mə̀Hibrù 10:21

Icheg ne tì beri ijiʼì wə̀d mbàn Ŋwiye ne kyèʼrè nəb Ŋwiye,

Mə̀Hibrù 11:10

Abràham yaya nḛ̀ imbìghè ni nyi inga asiŋi ze ne Ŋwiye zìye ya ŋwaʼi, zèg ati bə̀ bɔm ane ìmbi ibo.

Mə̀Hibrù 9:1

Ikan mbègtog ya bèrì mə̀nɔ̀ʼɔ̀ ne chwìye icheg ne bəd koʼi ni ghumni Ŋwiye. Wì ya bə̀ chwi asiŋi ne koʼi ni ghumni Ŋwiye igun isəg.

Ɨnû 21:3

Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb.