Ɨ̀fàʼì 3:6 - Ikan feg

⁶ Pità ya si ghà ibo gha, “Chəyi mə̀ beri ikab ni nàʼ ine. Aghi ne mə̀ beri, mə biri nàʼ ine. Mə ghà ine ane ikum Yeso Kristo we a Nazarèd, nɔ̀ʼɔ, yèn!”

Meta’

⁶ Àyɨə Pità nyaʼa ghà ni, “Chəi mə̀ berɨ ə sɨrɨvà kɨ̀ ə gôl, àyɨə əghɨ ze nɨ mə̀ berɨ mə bɨrɨ naʼ ɨ ne: Ənɨ ɨkum Yeso Kristo we rɨ ə Nazàret, nɔʼɔ yènɨ̀.”

Ɨ̀fàʼì 3:6 交叉參考

Ɨ̀fàʼì 3:16

À ya ika we ne yaʼi inga ikum Yeso tì ibḛfiŋ ne tì beri igun ikum we ghù wə̀d gho̰ ne mbə̀ taŋ kyèri, icheg ne mbə̰ mbe bàrà anìŋ.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 4:10

nji mbə̰ tì bəd məjìm inga Izre, mbə̀ kyeri gha, wə̀d gho̰ ne təmi inən imbìghè anìŋ, à ya ika we ne yaʼi inga ikum Yeso Kristo we a Nazarèd ghi aməd wì bɔ̀ti. Məd ya Yeso we ne mbə̀ ya kɔ̀mbi igun azed abaʼri, si ya gha, Ŋwiye ya zwemni aməd ane iwu.

Ɨ̀fàʼì 9:34

Pità ya ghà ibo gha, “Enìyàs! Yeso Kristo fə ghù awe. Nɔ̀ʼɔ titighe, kad àze abaʼ.” Enìyàs ya nɔ̀ʼ kwàʼ ati.

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Ɨ̀fàʼì 16:18

Wì yaya ghìyə̀ anìŋ ane ineg nɔʼ nɔʼ. Aneg mɔ̀ʼɔ, Pɔl ya gaŋ, ghàbri ghà abə Azwighi tibɔ̀ŋ ze gha, “Mə ghà ine ane ikum Yeso Kristo, che du inga ŋwan gho̰!” Azwighi tibɔ̀ŋ ze ya chè dù kwàʼ ati.

Mk 16:17

Bəd mbe ne bḛ biri ghì ineni inug mbo̰: Mbi biri kamni izwighi tibɔ̀ŋ chì inga bəd ane ìmə ikum; mbi biri ghàm tìngam iben ndəŋ;

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

Ɨ̀fàʼì 4:7

Itog bəd mbo̰ ya ghì mbi niŋ Pità tì Jɔn ghò inɔb imbìghè. Mbi ya biri inɔb gha, “Wə̀d ne nàʼi ika inən gha mbə̀ faʼa anug azo̰ àkə we? Kə̀ mbə kə fàʼà anug azo̰ ane ikum ìwi we?”

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Ɨ̀fàʼì 2:36

Ane, mə̀Izre məjìm kyeri gha, à ya kwàʼ tesiʼ gha Ŋwiye fə nɔ̀ŋì Yeso gho̰ ne mbə̰ ya kɔ̀mbi igun azed abaʼri ane Anɔŋisəg bə̀ fɔrɔ ane Wə̀d ne wì zɔ̀ʼi.”

Matìyò 10:9

Imbə̀ʼ mbə̰ nyimi awən ikab mɔ̀ʼɔ inga ìmbən ìbàn ka; kə̀ àkə gol kə̀ silibà kə̀ kopà.

Matìyò 7:22

Inga nyùmə̀ we ne Ŋwiye biri saʼ bəd, bəd nɔʼ nɔʼ biri ghà inum gha, ‹Anɔŋisəg, imbə̀ʼ à ya inga ìwe ikum ne tì yaya ghà ikən Ŋwiye, bə̀ kàmna izwighi tibɔ̀ŋ, bə̀ fàʼà iyeti inug?›

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

Jn 19:19

Payilèd ya ŋwàʼrì àŋwàʼrì mɔ̀ʼɔ, kɔ̀mbì ane atog azed abaʼri ze. Wì ya ŋwàʼrì igun gha, “Yeso we a Nazarèd, ifɔn mə̀Ju”.

2 Kɔrèn 8:12

Ane, wə̀d mə bèrì fìŋ chɔm ni wètì bəd bə̀ nàʼ ighi icheg ne abo məd chwi, Ŋwiye biri niŋ ighi mbe ne wì nàʼi. Chəyi Ŋwiye we kə̀bə̀ gha wə̀d naʼa ighi ane mbe ne chəyi wì bèri.

Mk 14:8

Àyi gho̰ fə ghì anug ze ne tì wì ghi. Wì fə zɔʼ àmə nyɔd ni gha mə mə̀ ku, mbi si twə̀ŋi.

1 Kɔrèn 4:11

Tì we amad anìŋ chəyi tijəg, chəyi mənib ni no. Tì we zìyè ichəʼ ndwi. Bəd mbe bə̀ sɔ̀mɔ awa. Chəyi tì bə bèrì asiŋi chughi.

Ɨ̀fàʼì 3:5

Abuʼrə wə̀d ze ya bə̀ nèn awɔb kwàʼ igun ìfe kɔ̀ndi àzi gha mbi biri nàʼ aghi mɔ̀ʼɔ ibo.

Ɨ̀fàʼì 3:7

Pità ya ghà ane si nyìmi aba abo jəghi məd, nɔ̀ aməd titighe. Kwàʼ ati, ighog məd sèmbè, tìfaŋ aghog məd bə̀ kà.