11 Sakay kagiyán ku pa nikam a tu Aldew nu Pághatul ay makpal a tolay a gábwat ti ibaiba a bansa u makaguman nu nunu tam hide a di Abraham, Isaac sakay Jacob tu dakál a handaan ni maghare dán u Diyos.
Timmábbeg u pupuno hide, “Pahirapan sakay bunuwán na u mágkadukás a itod hide sakay ipatarabaho u ubasan tu iba a mangatád nikuna tu kabunong na tu panahon ni sákbudas.”
Nikuna nasaneg iye ni Jesus ay nagtaka siya tu kapitan. Sakay kinagi na tu tolay hide a umunonod nikuna “Kagiyán ku nikam a awanák padla naketa ti Israelita a kapareho nikuna a kadakál ti pánnampalataya.
Pinagpala u alipin hide a demáttan na a awan tidug sakay nakahanda tu káddemát nu amo de. Kagiyán ko nikam, pággetnudan na hide tu lamisaan sakay serbiyan na hide mentaras a kuman hide.
Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”
Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”
Sakay káddemát de ti Antioquia ay tinipun de u atanan a mánnampalataya sakay imbaheta de u atanan a ginimet nu Diyos tu pamamag-itan de; sakay ni kodya a inatádden nu Diyos u Hentil hide ti pagkakataun a sumampalataya.
Awan moy beman tukoy a awan ti kabahagi tu kahariyan nu Diyos u makasalanan hide a tolay? Dyan moy dayaán u sadile moy! U tolay a mángngibábbey sakay mángngilállake, sumássamba tu diyos-diyosan, sakay mák-agum tu kaparehas na a lállake oni kaparehas na a bábbey,
Sa iye u sekreto nu Diyos: tu pamamag-itan nu Maganda a Baheta, u Hentil hide ay makatanggap tu pananto hide nu Diyos kaguman nu Judio hide, sakay parte be hide nu eessa a bággi dipo tu pákpagkaessa de ni Cristo Jesus.
Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.
Nadid u matibay a kassampalataya moy, ay saina u katunayan a tama u hatul nu Diyos. U keangayan ni ina a hirap moy, ay gimitán kam nu Diyos a karapat-dapat a pasakup tu kahariyan na. Kanya u págtiis moy nadid, ay alang-alang tu kahariyan na.
