Mateo 6:5 - U Maganda A Baheta Ni Jesu-Cristo

⁵ Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de.

Mateo 6:5 交叉參考

Mateo 21:22

Sakay anya man u agidan moy tu panalangin ay maalap moy, ni naniwala kam.”

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 23:5

Puro a pagpakunware u gimet de hide. Pinalabang de u págdattonan de ti bersikulo de sakay pinaatakdug de u garayan nu damit de hide para mapansin hide nu tolay a mágserbi hide tu Diyos.

Mateo 23:6

U gugusto di ay hide u paetnudán tu págetnudan a para tu mataas a tolay tu handaan sakay u pinakanimportante a lugar tu sinagoga hide.

Mateo 6:1

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet.

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:2

Kanya ni mangatád kam tu mágkahirap hide ay dyan moy ihambug tu agum. Ina u gággimitán nu mapagkunware hide a tolay tu sinagoga hide sakay tu kakarsada tánni puriyán hide nu katolayan. Ikagi ko nikam a talaga natanggap di dán u gantimpala de. Awan dán hide ti gantimpala a gábwat tu Diyos.

Mateo 9:38

Ipagdasal moy tu Panginoon a makákkao tu ani a magpatawed ti maggapas hide tu ani.”

Markos 11:25

Sakay ni magdasal kam, patawadán moy pa u nagkasala hide nikam támpara u kasalanan moy be ay patawadán be nu Ama moy a katoy ti langet.

Markos 12:38

Kinagi pa ni Jesus tu págtoldu na, “Magingat kam tu tagapagtoldu hide tu Kautusan. Mahilig hide a máglakad-lakad a nakasulot ti mágkalayon a damit. Sakay gugusto de a batiyán hide sakay igalang nu tolay hide.

Lukas 11:43

Kakagbi kam Pariseo hide! Dipo masássohán kam a umetnod tu pangbisita hide a pággetnudan tu sinagoga! Gugusto moy be a igalang dikam sakay batiyán tu matolay a lugar.

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Lukas 18:13

Pero u mágsingeh ti buwes ay magtáknág tu adeyo; a awan makaile-ileng ti langet, nan táttepdagán na u hakaw na, sakay kinagi na, ‘Diyos ko, kagbiyanák pay, essaák a makasalanan!’

Lukas 20:47

Alapán de u ari-arian nu bilo hide. Sakay gusto de a itagu u mágkadukás de a gimet kaya magdasal hide ti atakdug. Iye hide a tolay ay parusaan nu Diyos ti mas madágge a parusa!”

Lukas 6:24

Pero kakagbi kam a mágkayaman hide nadid, Dipo natamasa moy dán u kaginhawaan.

Juan 16:24

Hanggan nadid ay awan kam palla ti inaged nikuna tu pamamag-itan nu ngahan ko. Mangaged kam tán makatanggap kam, tán magin tunay u kasayaan moy.”

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

1 Tesalonica 5:17

Pirme kam a magdasal.

Santiagu 4:6

U tatahoden ay tunay ti kadakál u kagbi nu Diyos nikitam kanya tulungan na kitam, konna tu nesulat tu Kasulatan, “Kadima nu Diyos u palalo hide pero kagbiyan na u mapagpakumbaba hide.”