2 Sa iye u ngahangahan nu sapulo ay ti duwwa a disepulus a nginahanan na be hide a apostol na: U purumero ay ti Simon, u palayaw na ay Pedro, ti Andres a kapatkákka ni Pedro, ti Santiago sakay ti Juan a anak ni Zebedeo,
Nadid essa aldew immadeni ni Jesus u kabanga ni Zebedeo, kaguman na u anak na hide. Te gusto siya a ipakpágguhon, kaya limmuhod siya tu atubang ni Jesus.
Nadid tu páglakad ni Jesus tu digdig nu minalno nu Galilea, ay netan na u duwwa a lállake a magsabud dipo mángngikan hide. Matkaka u duwwa, u ngahan nu essa ay ti Simon, u palayaw na ay Pedro sakay u essa ay ti Andres.
Tulos hide a naglakad tu digdig nu minalno sakay netan di Jesus u matkaka a lállake a di Santiago sakay ti Juan a anak ni Zebedeo. Hod hide sakay tu ama de tu abang de a magayuma tu gila de. Inakit be hide ni Jesus a magin disepulus na.
Iye be u mangpatunay a tatahoden u kinagi nu Diyos sigun tu Karunungan na, ‘Paangayán ko nide u prupeta sakay u disepulus ko hide a magtoldu tu tolay hide. Pero bunuwán de u agum sakay pasakitan de u agum.’
konna bi hod di Santiago ay ti Juan a anak ni Zebedeo a kasosyo ni Simon. Kinagi ni Jesus ni Simon, “Dyan ka manteng! Sapul nadid ay bakán dán a ikan alapán muway nan magakit ka dán ti tolay a maniwala nikán.”
Kássole nu disepulus hide ni Jesus ay imbaheta de nikuna u atanan a ginimet de. Káttapos ay limmakad ti Jesus kaguman na u disepulus na hide a immangay tu banuwan a Betsaida.
Immangay ti Felipe tu kán Andres sakay kinagi na nikuna u kinagi nu Griego hide. Káttapos ay immangay hide a duwwa tu kán Jesus sakay kinagi de u ipekagi de.
Kanya nagginan a sole ti Maria a immangay tu kán Simon Pedro sakay tu disepulus a mahal ni Jesus. Káddemát na ay kinagi na nide, “Inalap de u Panginoon tu páglábbángngan sakay awan mi dán tukoy ni hádya de a inyangay.”
Ti itod ay mamágkaguman di Simon Pedro, ti Tomas a Kambal, sakay ti Nataniel a taga-Cana tu prubinsiya ni Galilea, a anak hide ni Zebedeo, sakay tu duwwa pa a disepulus.
Nadid ay simmuleg ti Pedro sakay netan na a umusoseg nide u disepulus a mahal ni Jesus. Siya u disepulus a mágsandig ni Jesus nikuna mangapon hide, sakay siya u nagtanung ni Jesus ni ti deya u mángtokyon nikuna.
U gusto he a kagiyán ni Jesus ay ti Judas a anak ni Simon Iscariote. Dipo maski ni kaguman ti Judas tu sapulo ay ti duwwa a disepulus ay itokyon na padi ti Jesus tu mangdakáp nikuna.
Káddemát de ti Jerusalem, ay simmangkay hide ti ontok a kuwarto tu bilay a táttulusan de. Iye hide ay di Pedro, Juan, Santiagu, Andres, Felipe, Tomas, Bartolome, Mateo, Santiagu a anak ni Alfeo, Simon a makabayan, sakay ti Judas a anak ni Santiago.
Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.
Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.
Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.
Hikán a Tagapangasiwa u nagsulat ti iye. Iye a sulat ay para tu pinile nu Diyos a bábbey sakay tu anak na hide a mahal ko a tahod. Bakán la a hikán u nagmahal nikam nan pate u atanan a nakatukoy tu tatahoden.
Nadid, iye u libro a sássulatan nu pahayag ni Jesu-Cristo tungkul tu bagay hide a adene dán a mangyare. Iye ay kinagi nu Diyos ni Jesu-Cristo para ipatukoy na iye nikitam a tagapagserbi na. Iye ay impahayag na ni Juan tu pamamag-itan nu pinaangay na a anghel.
Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.
Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!
Hikán ti Juan u nakasaneg sakay naketa ti iye hide a bagay. Pákkasaneg ko sakay pákketa ti iye a atanan ay limmuhudák tu atubang nu anghel a nángpeta nikán para sumamba nikuna.
