Markos 8:34 - U Maganda A Baheta Ni Jesu-Cristo

³⁴ Pinaadeni ni Jesus u tolay hide pati u disepulus na hide sakay kinagi na nide, “Ni ti deyaman u masoh a sumunud nikán ay awan na dapat idipalongo u sadile na, sakay nakahanda a maghirap maskin hanggan tu kamatayan sakay sumunud nikán.

Markos 8:34 交叉參考

Mateo 10:38

Sakay ni ti deya be u awan makatággád tu kahirapan tu kássunud nikán ay awan karapatdapat a magin disepulus ko.

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Mateo 27:32

Kálluwas de tu banuwan, netan de u essa a lállake a nginahanan a Simon, essa a taga-Cirene. Pinilit de ipabaklay nikuna u kudus ni Jesus.

Markos 10:21

Inileng siya ni Jesus, a tehhod a págmahal sakay kinagi na nikuna, “Essa pa a bagay u dapat mo a gimitán. Ilako mo u ari-ariyan mo sakay u pilak a naglakuwan mo ay iyatád mo tu mágkahirap hide tánni magkahod ka ti kayamanan ti langet. Káttapos ay soli ka sakay sumunud ka nikán.”

Markos 7:14

Sakay pinaadene ni Jesus a huway u tolay hide nikuna sakay kinagi na nide, “Mágsaneg kam nikán a atanan, sakay intendiyán moy u kagiyán ko!

Lukas 13:24

Kinagi na nide, “Pilitán moy a makasáddáp tu mapiit a pintuwan. Makpal u masoh a sumáddáp hod pero awan makasáddáp.

Lukas 14:33

Konna bi hod, awan maare a magin disepulus ko u maskin deya ni awan na adággen u atanan a katoy tu biyag na.”

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Lukas 20:45

Mentaras a mágsaneg u tolay hide ni Jesus ay kinagi na tu disepulus na hide,

Lukas 9:23

Sakay kinagi na nide a atanan, “Ni deya man u masoh a sumunud nikán ay kailangan a kalimunan na u para tu sadile na. Báklayán na aldew-aldew u kudus na sakay sumunud nikán.

Juan 10:27

Mágsaneg nikán u tupa ko hide. Tukoy ko hide sakay sumunud hide nikán.

Juan 19:17

Sakay limmuwas hide tu banuwan. Impabáklay de ni Jesus u kudus na a paangay tu lugar a dáddulawán a “Bungo” (a tu upos ni Hebreo ay Golgota).

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Roma 6:6

Tukoy tam a u date tam a pagkatolay ay nepako dán tu kudus a kaguman ni Cristo, tánni matay u makasalanan tam a bággi, tánni awan kitamon maalipin pa nu kasalanan.

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

1 Corinto 15:31

Awan ti odas a awanák katoy tu dilikadu a kalagayan, kákkapatkákka! Ni kodya a tatahoden a ipágmadakál takam dipo tu pákpagkaessa tam ni Cristo Jesus a Panginoon tam, tatahoden be i kagiyán kuwan iye!

1 Corinto 8:13

Kaya ni tu makan la u dahilan a pagkasalaan nu kapatkákka ko ay dyanák dán kuman ti karne tánni awan siya magkasala.

1 Corinto 9:19

Malayaák sakay awanák alipin nu deyaman; pero nagpaalipinák tu atanan tánni makaakiták la ti makpal para sumampalataya tu Panginoon Jesu-Cristo.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Filipos 3:10

U gusto ko nadid ay matengge ku pa ti husto ti Cristo, maranasan u kapangyariyan nu kákkabiyag na a huway sakay mákhate tu tinággád na a hirap sakay pumareho nikuna pati tu kákkatay na.

Filipos 3:7

Pero dipo ni Cristo, u bagay hide a páppahalagaan ko tu itod ay imbilang ko nadid a awan ti kabuluhan.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

2 Tesalonica 3:11

Kanya ikagi me nikam nadid iiye a utus, dipo nabaheta me a te umád nikam a magtarabaho, a awan ti agum a gággimitán nan mak-alam tu biyag nu agum a tolay.

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Hebreo 13:13

Kanya umadene kitam nikuna tu luwas nu banuwan sakay magdanas be ti kadustaan a tiniis na.

1 Pedro 4:1

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

2 Pedro 1:14

Dipo tukoy ko a awanák dán magmalay ti munduwáy, u Panginoon tamon a ti Jesu-Cristo a mismo i nángpabatiyay nikán.

1 Juan 3:16

Hed tam he a matukuyan u tatahoden a págmahal: inyalay ni Cristo u biyag na para nikitam. Kanya dapat be a iyalay tam u biyag tam para tu kákkapatkákka tam hide.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”