11 Pero sinássusutan nu puno hide, nu Saserdote hide u tolay hide a ti Barabas u agidán de a palayaán na bakán a ti Jesus.
Pero bago nangyare u págpapili ni Pilato ay sinulsulan dán nu pupuno hide nu saserdote sakay nu pinuno nu banuwan u tolay hide a kagiyán de ni Pilato a ti Barrabas u palayaán sakay ti Jesus ay bunuwan.
Kinagi na iye dipo tukoy ni Pilato a u Saserdote hide ay managhile la hide ni Jesus kanya inyangay di hod siya nikuna.
Kanya tinanung hide a huway ni Pilato, “Ánya nadid u gimitán ko ti tolayáy a dáddulawán moy a Hare nu Judio hide?”
Pimmákhaw u tolay hide, “Bakán a siya nan ti Barabas!” (Ti Barabas ay essa a tulisan.)
Inadiyan moy u Banal a awan ti kasalanan, mas ginusto moy pa a paluwasan tu págpiresuwan ti Barabas a essa a mágbabono.
