30 ay siguradu a magkahod siya nadid a panahun ti dinatos-datos a bilay, kákkapatkákka, dáddikál, anak sakay ari-ariyan hide, peru te kaguman be a kahirapan. Sakay káttapos nu biyag ti lutaáy ay magkahod siya ti biyag a awan ti katapusan.
Sakay ni ti deya man u magupos laban nikán a Anak nu Tolay ay mapatawad nu Diyos pero u magupos laban tu Banal a Ispiritu ay awan mapatawad, magin nadid a panahun oni tu demodyan a aldew.”
U agum a bine ay neangay tu maganda a luta. Iye hide ay nagtubu ti maganda sakay nagbunga ti makpal. U bunga nu agum a ohay ay tágtállo a pulo, u agum ay tágannam a pulo sakay u agum ay tággidatos a butil kada ohay.
Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy.
Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”
Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.
Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.
On, imbilang ko a awan ti kabuluhan u atanan a bagay bilang kapalit nu mas lalo a mahalaga, u pákkatengge ko ni Cristo Jesus a Panginoon ko. U atanan a bagay ay impalagay ku dán a awan ti kabuluhan, magpasakupák la ni Cristo,
Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.
Dipo u págsanay tu bággi ay tehhod a pakinabang, pero u págsanay tu kabanalan ay mas dakál u pakinabang, bakán la tu biyag nadid nan pate tu biyag a pademát.
Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.
Awan beman kákkagiyán tam a mapalad u tolay hide a mágtatiisán ti hirap. Nasaneg moy dán u tungkul ni Job tu págtiis na ti madágge a hirap, sakay tukoy moy dán be a tu katapusan ay pinagpala siya nu Panginoon. Ketan tam he a makákkagbiyán sakay mabait u Panginoon.
Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.
Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.
Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.
