16 Tu pákkakagi ni Jesus ti itod ay kinálkál na u anak, sakay intupo na u kamát na nide, sakay pinagpala na hide.
Mentaras a kuman hide ay nangalap ti Jesus ti tinapay sakay nagpasalamat tu Diyos. Nikuna a matapos dán siya a magpasalamat ay tináppeng-táppeng na sakay inyatád na tu disepulus na hide. Kinagi na, “Alapán moy iye; iye u bággi ko.”
Tu pákkakagi na ti itod ay dinulaw na u essa a anak sakay pinataknág na tu atubang de. Tu pángkálkál na tu anak ay kinagi na nide,
