34 Nikuna ketan nu mággalaga hide tu kababuyan u nangyare ay gummággenan hide a immangay tu banuwan ay tu babaryo sakay imbábbaheta de u nangyare hide.
Nikuna nakalakad dán u bábbey hide, ummangay be tu banuwan u sangan tu bantay nu lábbang sakay inbaheta de tu pupuno hide nu saserdote u atanan nu nangyare.
Nikuna netan iye nu tagaalaga hide tu babuy ay ginuminan be hide a tamo tu banuwan de. Imbaheta de u atanan a nangyare pate u nangyare tu hinayup hide.
U mággalaga hide tu babuy ay nággaginanán hide a patamo tu banuwan tu babaryo sakay imbaheta di hod u nangyare. Kanya immangay hod u tolay hide para ilingán de u nangyare.
Kanya limmuwas tu tolay u mágkadukás hide a ispirito sakay simmáddáp tu kababuyan. U kababuyan ay bigla a nággaginanán sakay tulos-tulos a nágketákneg tu minalno sakay nágkalimás.
Kaya immangay hod u tolay hide para ilingán u nangyare. Tu káddemát de tu kán Jesus ay netan de u tolay a date a sináddáp ni madukás a ispirito. Mággetnod tu atubang ni Jesus a nakabadu sakay matino dán u isip na. Kanya neántingan hide a atanan.
