18 Kaya pakasanigán moy i itáttoldu kuwáy, dipo ni maniwala kam tu upos ko ay dagdagan pa nu Diyos u tukoy moy dán. Pero ni awan kam mágsaneg sakay awan kam maniwala tu upos ko ay ibutan pa nu Diyos maski u kabadit-baditan a katoy nikam.”
Nadid, kinagi pa ni Jesus, “Kailangan a intendiyán iye nu mágbasa: Ni ketan moy dán u tunay ti dukás a gimet a awan ti kapareho a katoy tu lugar a awan na dapat a págyanan ay u katoy hide ti Judea ay dapat guminan dán tu buki-buked.
‘Tandaan moy iye: ni deya u tapat tu neatád nikuna ay madagdagan pa itod ti makpal. Pero ni deya man, u awan tapat ay maski u badit a katoy nikuna ay mawan pa itod nikuna.’
Mas maganda a kauhon u Judio hide a taga-hod nan u Judio hide a taga-Tesalonica; dipo gugusto de a mágsaneg tu ipáppaliwanag ni Pablo. Pagadalan de ti aldew-aldew u Kasulatan para mapatunayan de ni tatahoden u kákkagiyán na.
Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.
Ni tu pangakala nu deya man a tummanggap siya ti adal a gábwat tu Diyos oni maski ánya a kaluub nu Banal a Ispirito ay dapat na a tenggiyán a i sulat kuwáy nikam ay utus nu Panginoon.
Dyan moy dayaán u sadile moy. Ni tehhod a magakala nikam a malalake siya ayun tu karunungan ni munduwáy ay dapat ibilang na dán u sadile na a awan ti tukoy tánni matukuyan na u karunungan a gábwat tu Diyos.
U tatahoden, te sapaták a dahilan para magmadakál ni tu págsunud tu utus ni Moises u págguhunan. Ni isipán ni deya man a te katuwiran siya a magtiwala tu konna he a gimet ay mas laluwák dán.
