9 Káttapos ay kinagi ni Jesus tu maisto hide nu Kautusan sakay tu Pariseo hide, “Tanungán takam nadid ánya i tamaay a págsunud tu kautusan tu Aldew nu Káimang. U maggimet ti maganda oni maggimet ti madukás? Iligtas u tolay oni mamuno?”
Káttapos ay tinanung nabe u tolay hide, “Ánya beman u ayun tu Kautusan, u maggimet ti maganda oni maggimet ti madukás tu Aldew nu Káimang? U mángligtas ti biyag oni mamuno?” Pero awan hide timmábbeg.
Sakay inileng na hide a atanan sakay káttapos ay kinagi na tu lállake, “Iyolnat mo i kamát muwe!” Kaya tu páng-olnat na tu kamát na ay pagdaka a nagpiya.
Pero tukoy ni Jesus u katoy tu isip de, kaya kinagi na tu lállake a patay ti kawanan a kamát, “Karon he, angay ka tumáknag ti atubangay.” Immadene u lállake sakay timmáknág tu atubang de.
