Lukas 5:30 - U Maganda A Baheta Ni Jesu-Cristo

³⁰ Nágganasasan u Pariseo hide sakay u maisto hide nu Kautusan. Kinagi de tu disepulus hide ni Jesus, “Bakin mákpággatubang kam a kuman sakay uminom ti mágsinge he hide ti buwes sakay tu agum pa hide a makasalanan?”

Lukas 5:30 交叉參考

Mateo 5:46

Ni u mahalán moy la ay u magmahal la nikam ay bakin gantimpalaan kam pa nu Diyos? Awan beman a gággimitán moy labe u gággimitán nu tagakolekta ti buwes hide a mágdaya?

Mateo 9:11

Nikuna netan iye nu Pariseo hide ay tinanung de u disepulus ni Jesus, “Bakin a pumisan a kuman u tagapagtoldu moy tu tagakolekta tu buwes sakay tu makasalanan hide?”

Markos 2:16

Nikuna ketan iye nu sangan a tagapagtoldu nu Kautusan a kaguman tu gurupo nu Pariseo hide ay tinanung de u disepulus na hide, “Bakin mákkaguman siya a mákkan tu mágsingeh hide ti buwes sakay tu makasalanan hide?”

Markos 7:3

Dipo u Judio hide lalu dán u Pariseo hide ay ugali de a maguges pa ti kamát bagu a kuman dipo iye, u intoldu nide nu ninuno de hide.

Markos 9:16

Tinanung ni Jesus u disepulus na hide, “Ánya u pamágtalu-taluwan moy?”

Lukas 18:11

Timmaknág u Pariseo sakay nagdasal ti konna heeh, ‘Magpasalamaták niko, Panginoon dipo awanák kapareho nu agum a mágtakaw, mágkadaya, mángngibábbey oni konna ti lállakeyáy a mágsingeh ti buwes.

Lukas 19:7

Nikuna ketan itod nu tolay hide ay nágganasasan hide a atanan, kinagi de a, “Maktulos siya ti makasalanane a tolay!”

Lukas 5:17

Essa, aldew mentaras magtoldu ti Jesus ay te mággetnod a Pariseo sakay u maisto hide nu Kautusan. Gábwat hide tu iba-iba a banuwan ti Galilea, ti Judea sakay ti Jerusalem. Atoy ni Jesus u kapangyariyan nu Diyos a magpapiya tu te saket hide.

Lukas 5:21

U maisto hide nu Kautusan sakay u Pariseo hide ay nággisip-isip sakay namágguhon-uhon hide, “Deya ben iye a tolay a magkukunware a Diyos? Awan beman Diyos la i maariyay a magpatawad ti kasalanan?”

Lukas 7:34

Nikuna dimmemát be u Anak nu Tolay a kuman sakay uminom ay kinagi moy, ‘Ilingán moy tolaye a maunas, máglalasing sakay barkada nu mágsingeh hide ti buwes sakay u agum hide a makasalanan!’

Lukas 7:39

Nikuna ketan itod nu Pariseo a nangakit nikuna ay nakagi na tu sadile na, “Ni talaga a prupeta i tolayan iye ay dapat tukoy na ni ti deya mangkákkahapáy nikuna sakay ni ánya i pagkatolayay ni iye a bábbey. Essa siya a makasalanan!”

Gimet 23:9

Kanya bimmegsák u pákhawan de. Timmaknág u sangan a Pariseo a tagapagtoldu tu Kautusan sakay impagpumilit de a awan hide umayun sakay kinagi de, “Awan kame ti ketan a kasalanan ni tolayan iye. Makay ni tehhod nikuna a nagupos a ispirito oni anghel?”