Lukas 5:21 - U Maganda A Baheta Ni Jesu-Cristo

²¹ U maisto hide nu Kautusan sakay u Pariseo hide ay nággisip-isip sakay namágguhon-uhon hide, “Deya ben iye a tolay a magkukunware a Diyos? Awan beman Diyos la i maariyay a magpatawad ti kasalanan?”

Lukas 5:21 交叉參考

Mateo 26:65

Nikuna a nasaneg iye nu pinakapuno a saserdote, pinisad na u damit na sakay kinagi na, “I inupos na atod ay awan ti galang tu Diyos! Awan tamon kailangan u magsestigo pa. Nasaneg moy u páglapastangan na tu Diyos!

Mateo 9:3

Nikuna nasaneg iye nu Maisto hide nu Kautusan ni Moises ay inisip de a “Awan ti galang tu Diyos iye a tolay, kumán siya a Diyos.”

Lukas 3:8

Ni talaga a nagsisi kamon tu kasalanan moy hide ay ipeta moy iye tu gimet moy hide! Dyan kam umasa a dipo gábwat kam tu lahe ni Abraham ay awan kamon maparusaan. Kagiyán ko nikam, makagimet u Diyos ti tunay a lahe ni Abraham tu pamamag-itan ni iye hide a bito.

Lukas 5:17

Essa, aldew mentaras magtoldu ti Jesus ay te mággetnod a Pariseo sakay u maisto hide nu Kautusan. Gábwat hide tu iba-iba a banuwan ti Galilea, ti Judea sakay ti Jerusalem. Atoy ni Jesus u kapangyariyan nu Diyos a magpapiya tu te saket hide.

Lukas 5:22

Pero tukoy ni Jesus u katoy tu isip de kaya kinagi na nide, “Bakin magisip kam ti konna hina?

Lukas 7:49

Kanya u kaguman na hide a kuman ay namágtanungan tu sadi-sadile de, “Deya wád iye a tolay, pate u págpatawad ti kasalanan ay pangahasan na?”

Juan 10:33

Timmábbeg hide, “Bakán a dipo tu mágkaganda mo a gimet kanya mi ka a batikalán, nan dipo tu páglapastangan mo tu Diyos. Dipo kinagi mo a hiko ay Diyos a tolay ka labe.”

Roma 8:33

Awan ti makapángkaso kontara nikitam a pinile nu Diyos a hikitam ay makasalanan pade, dipo u Diyos dán a mismo u nángturing nikitam a matuwid kitamon?