Lukas 4:39 - U Maganda A Baheta Ni Jesu-Cristo

³⁹ Angay timmáknág ti Jesus tu wahes nu kákkatdugan nu maladu a bábbey sakay inyutus na a maibut u ladu tu bábbey. Ummibut ngane u ladu na kaya pagdaka siya a timmáknag sakay nagpospos nide.

Lukas 4:39 交叉參考

Markos 1:29

Nadid, kálluwas di Jesus sakay tu disepulus na hide, kaguman di Santiago sakay ti Juan, tu Sinagoga ay nagdiretso hide tu bilay di Simon ay ti Andres.

Lukas 4:35

Pero sinaway siya ni Jesus, kinagi na, “Dyan ka pakahehaw! Umibut ka ti tolaye!” Káttapos inlugmuk nu madukás a ispirito u lállake tu atubang nu katolayan, sakay tulos na a linakaden sakay awan na pinasakitan.

Lukas 4:41

Nágpapákhawán a limmuwas u mágkadukás a ispirito tu kakpalan nu tolay hide kinagi de, “Hiko u Anak nu Diyos!” Pero sinaway hide ni Jesus sakay awan na hide pinakultadan a magupos, dipo tukoy de a siya u Cristo.

Lukas 8:24

Kaya inadeniyan siya nu disepulus na hide sakay linukag, “Panginoon, matay kitamon!” kagi de. Immikat ti Jesus sakay sinaway na u pahás sakay u dalondun. Káttapos ay lummantap u tagmák.