35 Pero sinaway siya ni Jesus, kinagi na, “Dyan ka pakahehaw! Umibut ka ti tolaye!” Káttapos inlugmuk nu madukás a ispirito u lállake tu atubang nu katolayan, sakay tulos na a linakaden sakay awan na pinasakitan.
Timmábbeg siya “Bakin a manteng kam? Dapat a kabadit u pánniwala moy.” Inumikat siya sakay inutusan na u pahás a umimang sakay u tagmák a lumantap. Pagdaka a nasunud u utus na. Nawan u pahás sakay u tagmák.
Immikat ti Jesus sakay pinaimang na u pahás ay tu tagmák. Kinagi na tu pahás, “Umimang ka dán!” sakay kinagi na tu tagmák, “Lumantap ka dán!” Ummimang ngane u pahás sakay limmantap u diget.
Tu pákkakagi hod ni Jesus ay pimmákhaw u madukás a ispirito, sakay pinagpágpág na u anak ti mahigpit, sakay immibut. U anak ay kumán dán a bangkay u idsura na, akala nu tolay hide ay natay dán!
Pero ni kalabanan sakay taluwán siya nu mas mabegsák nikuna ay alapán na u armas a áasaan na hide a pangdipensa pate u kabiyagen na hide sakay ipagatád na iye hide.
Kaya kinagi ni Jesus, “Siguradu a kagiyán moy nikán i kakagiyanan iye: ‘Nay, ta doktor ka labe ay gamután mo i sadile muwe.’ Kagiyán moy be nikán, ‘Bakin awan mo gimitán tu sadile mo a banuwan u nabaheta me a ginimet mo ti Capernaum?’
Angay timmáknág ti Jesus tu wahes nu kákkatdugan nu maladu a bábbey sakay inyutus na a maibut u ladu tu bábbey. Ummibut ngane u ladu na kaya pagdaka siya a timmáknag sakay nagpospos nide.
Nágpapákhawán a limmuwas u mágkadukás a ispirito tu kakpalan nu tolay hide kinagi de, “Hiko u Anak nu Diyos!” Pero sinaway hide ni Jesus sakay awan na hide pinakultadan a magupos, dipo tukoy de a siya u Cristo.
Kaya inadeniyan siya nu disepulus na hide sakay linukag, “Panginoon, matay kitamon!” kagi de. Immikat ti Jesus sakay sinaway na u pahás sakay u dalondun. Káttapos ay lummantap u tagmák.
Sináddáp siya ni madukás a ispirito, kaya bigla dálla siya a mágpapákhawán sakay mágpapágpággán hanggan a maghuho u labi na. Pirme na siya a páppasakitan sakay awan na dán gusto a lakadan.
Mentaras a paadene u anak ay inlugmuk sakay pinagpapágpág dámman siya nu madukás a ispirito, pero pinalayas ni Jesus u madukás a ispirito. Pinagpiyya na sakay tulos na a inyatád tu ama na.
Kaya magsaya kam, hikam a mágyan ti langet! Pero makaánteng i danasán moyay, hikam a mágyan tu luta sakay tu diget! Dipo u matindi a iyamut nu Diyablo ay meangay nikam. Dipo tukoy na a awan dán siya magmalay.”
