Lukas 4:16 - U Maganda A Baheta Ni Jesu-Cristo

¹⁶ Nadid, immangay ti Jesus ti Nazaret. U banuwan a dimmakállan na. Konna tu date na a gággimitán, immangay siya tu sinagoga tu Aldew nu Káimang sakay tummaknág para basaán u Banal a Kasulatan.

Lukas 4:16 交叉參考

Mateo 2:23

Sakay nágyan hide ti Nazaret a sakup ni Galilea tánni matupad u kinagi nu propeta tu itod pa a “Mangahanan siya a taga Nazaret.”

Lukas 2:39

Nikuna natupad dán di Jose ay ti Maria u atanan a bagay tu Kautusan nu Panginoon ay nagsole dán hide tu banuwan a Nazaret a Galilea.

Lukas 2:42

Nikuna sapulo ay ti duwwa dán siya a taon ay ummangay dámman hide ti Jerusalem para mákpamiyesta, sigun tu kaugaliyan de.

Lukas 2:51

Káttapos ay nákkuyog dán ti Jesus tu dáddakál na hide a pasole ti Nazaret, sakay nagin masássunudán siya nide. Pinakatandaan nu ina na u atanan a bagay a nangyare.

Lukas 4:15

Nagtoldu siya tu katolayan tu sinagoga de hide sakay pinure siya nu atanan a tolay a nakasaneg nikuna.

Lukas 4:17

Inyatád di nikuna u libro a insulat ni prupeta Isaias. Binuklat na itod tu piligu a te nakasulat a konna he,

Lukas 4:21

sakay kinagi na nide, “I kasulatan iye a nasaneg moy ay natupad dán nadid.”

Lukas 4:23

Kaya kinagi ni Jesus, “Siguradu a kagiyán moy nikán i kakagiyanan iye: ‘Nay, ta doktor ka labe ay gamután mo i sadile muwe.’ Kagiyán moy be nikán, ‘Bakin awan mo gimitán tu sadile mo a banuwan u nabaheta me a ginimet mo ti Capernaum?’

Juan 18:20

Timmábbeg ti Jesus, “Bulgaranák a magupos tu tolay hide. Pirmiyák a magtoldu tu Sinagoga hide, oni tu templo, ni hádya a magipun ipun u atanan a Judio hide. Awanák nagtoldu ti lihim.

Gimet 17:2

Ugale dán ni Pablo a umangay tu sinagoga. Tu luub nu tállo a simba kada Aldew nu Káimang ay mákpagpaliwanagan siya tungkul tu Kasulatan,