Lukas 3:14 - U Maganda A Baheta Ni Jesu-Cristo

¹⁴ Tinanung be siya nu sundalo hide, “Ay hikame, ánya be u dapat me a gimitán? Dyan kam mamilit a magaged ti pilak maskin deya oni dyan kam magsihe ti kakabuliyan. Makontento kamon tu suweldu moy,” tábbeg ni Juan.

Lukas 3:14 交叉參考

Mateo 8:5

Nadid káddemát ni Jesus tu banuwan a Capernaum ay immadene u essa a kapitan nu sundalo hide a taga Roma sakay nákkekagbi nikuna.

Lukas 19:8

Timmaknág ti Zaqueo sakay kinagi na, “Panginoon, iyatád ko tu mágkahirap hide u kalahate nu kabiyagen ko. Sakay ni deya man u nadaya ko ay pumen-áppat ko a bayadan.”

Lukas 3:10

Tinanung siya nu tolay hide, “Ni konna hod ay ánya u dapat me a gimitán?”

Lukas 3:13

Timmábbeg siya, “Dyan kam magsingeh ti subra tu dapat moy a singihán.”

Gimet 10:7

Nikuna nakalakad dán u anghel ay dinulawan ni Cornelio u duwwa tu utusan na hide sakay u essa a sadile na sundalo a maki Diyos.

Filipos 2:15

Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy,

Filipos 4:11

Awan ko iye kagiyán para mák-agidák nikam ti tulung. Dipo natukuyan ku dán a magin kontento ánya man u kalagayan ko.

Tito 2:3

Kagiyán mu be tu bábbekás a mabiyag hide a tehhod a kabanalan, awan mametmet, sakay awan makánlasingán nan hide u dapat a magtoldu tu maganda a ugale.

Pahayag 12:10

Sakay nasaneg ko u mabegsák a boses a gábwat ti langet, kinagi na, “Dimmemát dán u págligtas nu Diyos tam! Impeta na dán u kapangyariyan na bilang hare! Sakay impeta dán ni Cristo u karapatan na a mamuno! Dipo napalayas dán ti langet u mángkákkaso ti aldew ay ti gibi tu kákkapatkákka tam.