Lukas 21:34 - U Maganda A Baheta Ni Jesu-Cristo

³⁴ Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Lukas 21:34 交叉參考

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Markos 4:19

pero dipo tu kabalisaan ti biyag, págmahal tu pilak, oni kákkasoh tu sari-sare a bagay, u Upos nu Diyos ay nawan tu puso de kanya awan iye nagbunga.

Lukas 10:41

Pero kinagi nikuna nu Panginoon, “Marta, Marta, grabi ka ti kábbali-balisa tu sari-sare a bagay,

Lukas 12:40

Dapat kam be a pirme a handa, dipo u Anak nu Tolay ay dumemát tu odas a awan moy asa-asaan.”

Lukas 17:3

Kaya mag-ingat kam! Ni magkasala niko u kapátkákka mo ay págkagiyan mo; sakay ni magsise siya ay patawadán mo.

Lukas 21:35

Dipo dumemát siya ti lutaáy tu odas a awan asa-asaan nu atanan a tolay.

Lukas 21:8

Timmábbeg ti Jesus, “Magingat kam tánni awan kam metawtaw nu agum a tolay! Makpal u dumemát a magkagi a hide u Mesias sakay magkagi, ‘Hikán u Cristo,’ sakay ‘Dummemát dán u panahun!’ Dyan kam maniwala nide.

Lukas 8:14

U nesabug tu kasaetan ay u tolay hide a nágsaneg tu upos na pero tu kalayan ay dinaig hide nu kákkabalisa de ti biyag, kákkasoh ti kayamanan sakay págsasaya tu magkadukás hide a bagay. Kanya awan hide lummagu tu pánnampalataya de.

1 Corinto 5:11

U gusto ko a kagiyán a awan moy pákkagumanan ay u makánkagiyán hide a Kristiyano pero mággagimitán labe hide ti madukás, madadámmot, sumamba tu diyos-diyosan, magsesti, máglalasingán, sakay mágtakaw. Dyan kam mamákkan nide.

1 Corinto 6:10

u mágtakaw, u madadámmot, máglalasing, u mapagdusta sakay tu magdaya hide ay awan ti kabahagi tu kahariyan nu Diyos.

Galacia 5:20

págsamba tu diyos-diyosan, págdipoh, pággingál, pamágdadema, pánnaghile, kákkaiyamut, pagkamadámmot, awan ti pagkakaessa sakay pamágkampe-kampe.

Filipos 4:6

Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.

Hebreo 12:15

Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.