Lukas 21:25 - U Maganda A Baheta Ni Jesu-Cristo

²⁵ Kinagi ni Jesus, “Magkahod ti senyal tu aldew, tu bulan, sakay tu biton hide. Ti lutaáy ay maligalig u atanan a tolay sakay awan de tukoy ni ánya u gággagamitán de dipo tu mabegsak a tánnog nu diget sakay daddakkal a dalondun.

Lukas 21:25 交叉參考

Mateo 24:29

Kinagi pa ni Jesus “Káttapos ni pághirapan itod, pagdaka magdiham u aldew sakay awan magdemlag u bulan. Matápduk u biton hide a gábwat ti langet sakay maibutan u kapangyariyan hide a hod ti kalawakan.

Mateo 27:45

Sapul tu tanghali hanggan tu alas tres ti apon ay nagdiham u buo a lugar.

Markos 13:24

Sakay kinagi pa ni Jesus, “Káttapos ni aldiwan itod a kahirapan ay magdiklám u aldew, awan dámbe dumemlag u bulan,

Markos 13:26

Káttapos ay ketanák de a Anak nu tolay a dumemát a hod tu panganurin, a tehhod a dakila a kapangyariyan sakay karangalan.

Markos 15:33

Nikuna a tanghale dán ay nagdiham u buo a luta hanggan alas tres ti apon.

Lukas 21:24

U agum ay matay hide ti áttak, sakay u agum ay dakáppan sakay ipereso tu iba-iba a bansa. Sakay sakupán nu Hentil hide u banuwan a Jerusalem hanggan matapos u panahun a netakda.”

Lukas 21:26

U tolay hide ay pumatay ti ánteng dipo ti pakán isip ni ánya u mangyare ti munduwáy. Dipo mayanág ti langet sakay u atanan a katoy hod ay meangay tu bakán de a date a páppágyanan.

Gimet 2:19

Mángpetaák ti himala ti langet sakay ti lutaáy; mangpetaák ti dige, apoy sakay ti mabagál a asok.

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.