Lukas 20:26 - U Maganda A Baheta Ni Jesu-Cristo

²⁶ Awan ti nangyare tu áisipán de a madukás a dakáppán de siya tu pággupos na tu atubang nu katolayan. Dipo awan hide ti netan a pangdakáppan de nikuna. Sakay nabigla hide tu intabbeg na nide, kanya nagtahimik dálla hide.

Lukas 20:26 交叉參考

Mateo 22:12

‘Barkada, bakin nakasaddap ka he a awan nakadamit ti maganda?’ tanong na. Awan ti nakagi u tolay.

Mateo 22:22

Nagtaka hide nikuna nasaneg de iye sakay linumakad hide.

Mateo 22:34

Nagipun-ipon u Pariseo hide nikuna nabaheta de a napatahimik ni Jesus u Saduseo hide. Sakay nagisip hide ti itanong de ni Jesus.

Mateo 8:10

Nikuna nasaneg iye ni Jesus ay nagtaka siya tu kapitan. Sakay kinagi na tu tolay hide a umunonod nikuna “Kagiyán ku nikam a awanák padla naketa ti Israelita a kapareho nikuna a kadakál ti pánnampalataya.

Lukas 11:54

tán madakáp de siya nite makagi siya a maare de a ibintang nikuna.

Lukas 13:17

Dipo ti tábbegan itod ni Jesus ay nepasanike u atanan a kumontara nikuna sakay nagsaya be u tolay hide tu makataka-taka a bagay a ginimet na.

Lukas 20:20

Kaya naguhay dálla hide ti essa a tiyempo. Sinuhulan de u sangan a tolay para magkukunware a magehyok ti katutuhanan. Ginimet de iye para dakáppán de siya ni magkamale siya tu pággupos na, tánni konna hod ay mekaso de siya tu gubernador.

Roma 3:19

Nadid, tukoy tamon a atanan a kinagi tu Kautusan ay para nikitam a Judio hide a sakup nu Kautusan, tánni awan ti me dahilan u ti deyaman a awan siya dapat maparusaan. U atanan a tolay ti munduway ay managut tu Diyos.

Tito 1:10

Dipo makpal a tolay lalu dán u sumássunud hide tu kaugaliyan nu Judio hide, u mangkontara ti adalan iye. Dáddayaán de u agum tu pamamag-itan nu toldu hide a awan ti kabuluhan.