Lukas 11:26 - U Maganda A Baheta Ni Jesu-Cristo

²⁶ ay lumuwas siya a huway sakay magakit pa ti pitto a ispirito a mas madukás pa nan siya. Sumáddáp hide ti tolayan itod sakay mágyan hod. Kaya mas lalo pa a dumukás u kalagayan ni tolayan itod.”

Lukas 11:26 交叉參考

Mateo 12:45

Kanya magehyok siya ti pitto a mas madukás pa nikuna sakay angay hide a atanan sumáddáp tu dati na a págyanan sakay mágyan hide hod. Kanya mas lalo a dumukás u kalagayan nu tolay nan tu date. Konna labe hina u magin karanasan moy dipo madukás kam a katolayan.”

Mateo 23:15

Kakagbi kam a talaga, maisto hide nu Kautusan ni Moises sakay Pariseo hide! Mapagkunware kam! Ahabisan moy u diget sakay angayan u iba a bansa, makaakit kam la ti essa a awan maniwala tu relihiyon moy. Sakay ni maakit moy dán ay ginimet moy pa a mas madukás nan nikam. Kanya nagin doble u dahilan para siya ay parusaan ti impiyerno.

Lukas 11:25

Sakay ni demáttan na a malinis sakay maayus u bilay ti kássole naan itod,

Lukas 11:27

Mentaras a magupos ti Jesus ay te bigla a pimmákhaw a bábbey tu kákpalan sakay kinagi na nikuna, “Pinagpala u bábbey a náng-enak sakay nangpadakál niko!”

Juan 5:14

Káttapos ay netan ni Jesus u lállake tu disalad nu templo sakay kinagiyan na, “Nadid dipo nagpiyya ka dán, dyan ka dán nakwan magkasala, ta bakay te mangyare pa niko a mas lalo a madukás.”

1 Juan 5:16

Ni ti deyaman u maketa tu kapatkákka na a naggimet ti kasalanan a awan himmayun tu kákkatay ay ipagdasal na itod a kapatkákka tu Diyos a makapangatád nikuna ti bigu a biyag. Iye ay para tu kapatkákka hide a awan himmayun u kasalanan de tu kákkatay. Dipo tehhod a kasalanan a humayun ti kákkatay, pero awan ko kagiyán a ipagdasal moy u makán gimitán ti konna hod.