Lukas 10:40 - U Maganda A Baheta Ni Jesu-Cristo

⁴⁰ Pero grabi dán u balisa ni Marta dipo tu kákpal nu dapat na a gimitán, kaya immadene ni Jesus sakay kinagi na, “Panginoon, baliawan beman la niko a páppabayanák ni wadi kuwe a mággisessa a magpospos? Kagiyán mo ped nikuna a tulunganák na.”

Lukas 10:40 交叉參考

Mateo 14:15

Nikuna pággapon dán ay immadene ni Jesus u disepulus na hide. Kinagi de nikuna “Panginoon, madiham dán sakay atoy kitam tu tahimik a lugar a adeyo. Palakadán mu dán i tolayáy hide para mamali hide ti kanán de tu adene a babaryo.”

Mateo 16:22

Inakit siya ni Pedro tu essa a suluk sakay pinagkagiyan ti konna he: “Panginoon, dyan nakwa payagen nu Diyos a mangyari ina! Awan dapat a mangyare iye niko.”

Markos 3:21

Nikuna a mabaheta nu pamilya ni Jesus i iye ay inangay di siya para pahintuwán, dipo kákkagiyán nu tolay hide a nasida dán u isip na.

Lukas 10:38

Nadid, nagtulos-tulos di Jesus sakay u disepulus na hide tu lakad de, dimmemát hide tu essa a baryo. Te mágyan hod a essa a bábbey a Marta u ngahan na. Masaya na a tinanggap di Jesus tu bilay na,

Lukas 10:41

Pero kinagi nikuna nu Panginoon, “Marta, Marta, grabi ka ti kábbali-balisa tu sari-sare a bagay,

Lukas 12:29

Kanya dyan kam mabalisa tu pakán ehyok moy ti makan sakay mainom moy,

Lukas 9:55

Pero inatubang hide ni Jesus sakay pinágngállan na hide.

Juan 11:1

Nadid, tehhod a essa a lállake a nagkasakit u ngahan na ay ti Lazaro. Mágyan siya ti Betania, kaguman nu wáwwadi na hide a di Maria sakay Marta.

Juan 11:5

Mahal ni Jesus u mátkaka a di Marta, Maria sakay ti Lazaro.

Juan 12:2

Kanya naghanda di hod siya ti pangapon, sakay kimman siya a kaguman ti Lazaro. Ti Marta u naghanda tu kinanan de.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”