27 Timmábbeg siya, “Mahalán mo u Panginoon mo a Diyos ti buo a puso, ti buo a kaliduwwa, ti buo begsák sakay tu buo mo a isip; Sakay mahalán mo u kapareho mo a tolay konna tu pángmahal mo tu sadile mo.”
U utus hide a konna tu, “Dyan ka mangilállake oni mangibábbey, dyan ka mamuno, dyan ka magtakaw, dyan mo angkinán u kao nu iba,” sakay u iba pa hide a utus ay nabuo la ti eessa a utus, “Mahalán mo u kapareho mo a konna tu págmahal mo tu sadile mo.”
Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.
“Iye u bigu ko a kasunduwan tu Israelita hide, káddemát ni aldiwan itod,” Kagi nu Panginoon: “Ay imula ko tu isip de u utus ko hide, sakay iyukit ko tu pusu de. Hikán u magin Diyos de, sakay hide u magin banuwan ko.
Ni sunudán moy u utus nu Diyos a katoy tu Kasulatan a, “Mahalán moy u kapareho moy a tolay a konna tu págmahal moy tu sadile moy a bággi,” ay nagimet moy dán u tama.
