Lukas 10:22 - U Maganda A Baheta Ni Jesu-Cristo

²² Sakay kinagi na nide, “Inyatád dán nikán nu Ama ko u atanan a bagay. Awan ti makatukoy ni deya u Anak ni awan la u Ama. Sakay awan ti makatukoy tu Ama ni awan u Anak la, sakay u pinile hide nu Anak a pángpakapospusan na tungkul nikuna.”

Lukas 10:22 交叉參考

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 10:15

A konna bihod u Ama ko tukoy-tukuyák na sakay tukoy-tukoy ko be siya. Handa ko a iyalay u biyag ko para tu tupa hide.

Juan 13:3

Tukoy ni Jesus a inyatád dán nikuna nu Ama u atanan a kapangyariyan. Sakay tukoy na be a gábwat siya tu Diyos sakay sole siya tu Diyos.

Juan 17:10

U atanan a tolay a kao ko ay kao mo, sakay u atanan a kao mo ay kao ko, sakay maparangalanák tu pamamag-itan de.

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 17:26

Inpatengge taka nide, sakay tulos-tulos ko iye a gimitán para u págmahal mo nikán ay hod be nide sakay hikán be ay hod nide.”

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Juan 3:35

Mahal a tahod nu Diyos u Anak na, sakay impabahala na nikuna u atanan a bagay tu kapangyariyan na.

1 Corinto 15:24

Káttapos ni itod dumemát u katapusan. Sakay káttapos a matalo ni Cristo u atanan nu kaharian, pamahalaan sakay kapangyariyan ay iyatád na tu Diyos a Ama u pághare tu atanan.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

Efeso 1:21

Kanya sakup nu kapangyariyan ni Cristo u atanan a pághare, pámmahala, kapangyariyan, sakay pámmuno. Siya u pinakamataas a ngahan, bakán la ti panahunan iye nan pate tu pademát pa.

Hebreo 2:8

Sakay inpasakup mo u atanan a bagay tu kapangyariyan na.” Nikuna a impasakup nu Diyos u atanan a bagay tu kapangyariyan nu tolay, ay awan ti ánya man a awan na inpasakup. Pero nadid a panahun ay awan tam palla netan a nasakup nu kapangyariyan nu tolay u atanan a bagay.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

2 Juan 1:9

Ni ti deyaman u awan umayun nan dagdagen napa u toldu ni Cristo ay awan nákpagkaessa nikuna u Diyos. Ni ti deyaman u umayun tu toldu ni Cristo ay mákpagkaessa nikuna u Ama sakay u Anak.