18 U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.
Nikuna a masaneg iye ni Jesus ay kinagi na, “Awan siya matay tu saket na. Nagkasakit siya para maparangalan u Diyos, sakay tu pamamag-itan ni iye ay puriyán nu tolay u Anak nu Diyos.”
Káttapos ay kinagi ni Jesus tu Ama, “Amáng ipeta mo u kapuriyan mo tu tolay.” Nikuna a nakagi na itod ay essa a boses u timmábbeg, “Impeta ku dán tu pamamag-itan mo, sakay huway ko iye a ipeta.”
Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.
