Nikuna pággapon dán ay immadene ni Jesus u disepulus na hide. Kinagi de nikuna “Panginoon, madiham dán sakay atoy kitam tu tahimik a lugar a adeyo. Palakadán mu dán i tolayáy hide para mamali hide ti kanán de tu adene a babaryo.”
Tehhod be hide a sasangan a bábbadit a ikan. Impasalamat be itod ni Jesus tu Diyos, sakay inyatád na tu disepulus na hide para iyatád de tu tolay hide.
Sakay u Diyos a pagserbiyan ko, siya u mangatád nikam tu atanan a kailangan moy a gábwat tu kayamanan na a awan maubus, dipo tu pákpagkaessa moy ni Cristo Jesus.
Magsulaták nikam a ama hide, ta nakilala moy siya a tu sapul ay átna dán siya. Magsulaták be nikam, áolito hide sakay mámmadiket, dipo natalo moy dán ti Satanas.
Anak ko hide, adeni dán u katapusan a panahun! Konna tu nasássaneg moy dán a dumemát u kontara ni Cristo. Kanya nadid ay makpal dán a pummeta a kontara ni Cristo hide. Kaya tukoy tam a adene dán u katapusan.
