25 Kanya imbaheta de nikuna a netan de u Panginoon. Pero timmábbeg siya nide, “Awanák maniwala mentaras a awan ko ketan u talingo nu pako hide tu kamát na, sakay mesáddáp u kamát ko tu talingo na hide tu hawes na.”
Káttapos ay pummeta ti Jesus tu sapulo ay ti essa a disepulus na nikuna a pasiyaan hide a kuman. Pinágngállan na hide dipo tu awan de pánniwala nikuna sakay dipo tu kaigáttan nu ulo de, dipo umád de a maniwala tu nángbaheta nide a nabiyag siya a huway.
Kanya tu kadimadimangan ay inehyok a agad ni Andres u kapatkákka na a ti Simon sakay kinagi na nikuna, “Netan me u Mesias.” (U gusto a kagiyán ni iye a upos ay Cristo.)
Kinagi ni Jesus ni Tomas, “Ilingán mo i kamát kuwáy hide sakay tawiden mo. Isáddáp mo be ikamát muwe ti hawes kuwáy. Diyan ka magalanganin; maniwala ka dán.”
Kinagi nu disepulus a mahal ni Jesus ni Pedro, “U Panginoon itod!” Nikuna a masaneg iye ni Pedro ay insulot na u damit na a ineklas na, simmegbu siya tu dinom, sakay nagnangoy a patamo tu digdig.
