16 Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.
Awan ko makagi iye para nikam a atanan, dipo tukoy ko u pinile ko hide pero kailangan a matupad u kinagi tu Kasulatan a, ‘Intokyunák nu tolay a páppakanán ko.’
Ni kaguman kam tu taga-mundu hide ay mahalán dikam. Pero awan di kam kaguman, dipo pinile takam he ti munduway para awan kamon magin konna nide. Kanya u mundu ay maiyamut nikam.
Hikán u ponan nu ubas sakay hikam u pinget hide. U tolay a manatile nikán sakay manatiliyák be nikuna ay siya u magbunga ti makpal. Dipo awan kam ti magimet ni hiwalay kam nikán.
Sakay bagu hide a nangpile ay nagdasal hide, “Panginoon, hiko u nakatukoy tu puso nu atanan a tolay. Kanya ipeta mo ped nikame ni ti deya u dapat me a piliyán ti duwwaan iye,
Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”
Kinagi na pa a, ‘Pinile ka nu Diyos nu nuno tam hide tán matukuyan mo u kagustuwan na, tán ketan mo u Banal na a Tagapagserbi tánni masaneg mo u boses na.
Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,
Mahal ko hide a kákkapatkákka, gusto ko a matukuyan moy ni sanganák dán a beses a mággagayakán pero tehhod la a hadlang. Gusto ko a umangay hina tánni tehhodák be a maakit ti pánnampalataya ni Cristo, konna tu ginimet ko tu bakán hide a Judio tu lugar hide a inangayan ko.
Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.
U atanan a nesulat tu Kasulatan tu itod pa a panahun ay nesulat para tolduwan na kitam. Sakay tu pamamag-itan nu Kasulatan ay magin matatag kitam tu pánniwala sakay magkahod kitam ti pag-asa.
Konna tu essa a maggimet ti banga, te karapatan siya a gimitán u luta ayun tu gustu na. Te karapatan siya a maggimet ti essa a kasangkapan a mágkamahal sakay essa be a kalase a mágkamura la.
Nangyare iye nide, tánni magin adal tu atanan a tolay, sakay nesulat iye tánni matolduwan kitam a inabut dán nu dimodyan a panahun a diyan tam ahigán u mágkadukás de a ginimet.
Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.
Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.
Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.
Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.
Kanya inwahak taka ti Creta ay para tapusan mo u gawain hide a awan palla natapos sakay para mangpili ka ti puno hide tu simbaan nu kada banuwan konna tu inyutus ko niko.
Dipo tu pánnampalataya tu Diyos, ay nagalay ti Abel ti mas maganda a alay nan tu inhandog ni Cain. Kanya nebilang a matuwid ti Abel nikuna tanggapán nu Diyos u alay na. Maski ni nalay dán siya a natay ay magupos padi siya tu pamamag-itan nu pánnampalataya na tu Diyos.
Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.
Iye u tatahoden a págmahal: bakán a minahal tam u Diyos, nan hikitam u minahal na. Iye u dahilan kanya na he a pinaangay u Anak na tánni magin alay para tu kapatawaden nu kasalanan tam hide.
