10 Awan ka beman maniwala a hikán ay hod tu Ama sakay u Ama ay hod nikán? U kákkagiyán ko nikam ay awan gábwat nikán nan tu Ama a hod nikán. U bagay hide a gággimitán ko ay siya be u maggimet dipo siya ay hod nikán.
Pero ni ginimet ko u ipagimet hide nu Ama ko, maski ni umád moy a maniwala nikán, maniwala kam tu ginimet ko hide para maintendiyan moy a u Ama ay katoy nikán sakay hikán be ay katoy tu Ama.”
Maniwala kam tu kinagi ko, a hikán ay hod tu Ama sakay u Ama ay hod nikán. Ni umád moy a maniwala ti kinagi kuwan iye ay maniwala kam dipo tu ginággimet ko hide.
Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”
Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.
Kanya kinagi ni Jesus, “Ni ilangkawák moy dán a Anak nu Tolay ay hod moy palla a matukuyan a hikán ngane u Cristo. Sakay matukuyan moy be u atanan a bagay a ginimet ko sakay u kinagi ko ay ayun tu ipagimet sakay ipekagi nikan nu Ama.
Pero gustuwák moy a bunuwán, maski ni kagiyán ko la nikam u tatahoden a nasaneg ko a gábwat tu Diyos. Pero ti Abraham awan siya ti ginimet a konna tu madukas a gusto moy a gimitan nikan.
Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.
Gusto ni iye a kagiyán, a tu pamamag-itan ni Cristo, ay pinagsole nu Diyos u tolay hide nikuna, imbilang na hide a amigu na, sakay nilimon na dán u kasalanan de hide. Impagkatiwala na nikame u págbahagi ti iye a baheta.
