42 Konna man hod ay makpal labe tu puno nu Judio hide u naniwala ni Jesus. Pero inlihim di la iye dipo tu ánteng de tu Pariseo hide, sakay umád de a mapalakad hide tu bilay a págsambaan.
Kinagi pa ni Jesus tu disepulus na hide “Ni ti deya man u magtapat tu tolay hide a disepulus ko siya ay itapat ku be nama ko ti langet a disepulus ko siya.
“Sakay kagiyán ko be nikam, ni deya man u awan mángkasanike nikán tu atubang nu katolayan ay awan be siya ikasanike nu Anak nu Tolay tu atubang nu anghel hide.
Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.
Káttapos ni iye, ti Jose a taga-Arimatea ay immangay tu kán Pilato para mák-aged ti permiso a mangalap tu bangkay ni Jesus. (Ti Jose ay essa a disepulus ni Jesus, pero lihim la dipo manteng siya tu pinuno nu Judio hide.) Sakay pinakultaden siya ni Pilato; kanya inalap na u bangkay ni Jesus.
Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”
Konna hod u kinagi nu dáddakál hide nu lállake dipo tu ánteng de tu pinuno nu Judio hide. Dipo nagkasunduwan nu pinuno hide a ni ti deya man u maniwala ni Jesus a siya u Cristo ay awan di dán tanggapán tu bilay a págsambaan de.
Timmábbeg u pinuno hide, “Neenak ka a makasalanan, sakay mabegsák pa i pággisipan muwe a mangaral nikame!” Sakay binawalan de siya a sumáddáp tu bilay a págsambaan de.
