Juan 12:34 - U Maganda A Baheta Ni Jesu-Cristo

³⁴ Timmábbeg u tolay hide nikuna, “Nakasulat tu Kasulatan, u Cristo ay mabiyag hanggan-hanggan. Kodya mo a makagi a kailangan a matay u Anak nu Tolay? Ti deya beman u Anak nu tolay a gusto mo a kagiyán?”

Juan 12:34 交叉參考

Mateo 16:13

Nadid nikuna a dimmemát ti Jesus tu lugar ni Cesarea ti Filipos ay tinanung na u disepulus na hide, “Deya kan u Anak nu Tolay ayun tu tolay hide?”

Mateo 21:10

Kássáddap ni Jesus ti Jerusalem, nagulo u buo a banuwan. “Deya wád iye?” namágtanungan hide.

Mateo 8:20

Timmábbeg ti Jesus nikuna “U aso ay te págyanan sakay u manok hide ay te lobun pero hikán a Anak nu Tolay ay awan ti bilay a sadili a págkatdugan oni maimangan.”

Juan 10:34

Timmábbeg ti Jesus, “Awan beman nakasulat tu Kautusan a kinagi nu Diyos a, ‘Kinagi ko, hikam ay Diyos’?

Juan 12:32

Sakay ni melangkawak dán ay iyadene ko u atanan a tolay tu sadile ko.”

Juan 15:25

Ti ginimet diyan iye ay natupad u nesulat tu Kasulatan a, ‘Maiyamut hide nikán a awan ti rason.’”

Juan 8:28

Kanya kinagi ni Jesus, “Ni ilangkawák moy dán a Anak nu Tolay ay hod moy palla a matukuyan a hikán ngane u Cristo. Sakay matukuyan moy be u atanan a bagay a ginimet ko sakay u kinagi ko ay ayun tu ipagimet sakay ipekagi nikan nu Ama.

Roma 3:19

Nadid, tukoy tamon a atanan a kinagi tu Kautusan ay para nikitam a Judio hide a sakup nu Kautusan, tánni awan ti me dahilan u ti deyaman a awan siya dapat maparusaan. U atanan a tolay ti munduway ay managut tu Diyos.

Roma 5:18

Kanya dipo tu kasalanan nu essa a tolay, u atanan ay nahatulan tu kaparusaan. Konna man hod, dipo tu matuwid a ginimet nu essa a tolay, u atanan ay mebilang a awan ti kasalanan sakay maatádden ti biyag a awan ti kahád.

Hebreo 7:24

Pero ti Jesus ay biyag hanggan-hanggan, kanya awan ti katapusan u pagkasaserdote na.