Juan 12:3 - U Maganda A Baheta Ni Jesu-Cristo

³ Ti Maria be ay nangalap ti kalahating letro a mamahalin a pasáppot, iye a pasáppot ay gábwat tu mula a nardo. Imbulak na iye tu tikád ni Jesus sakay pinahiden na tu buuk na. Kanya u buo a bilay ay simmáppot.

Juan 12:3 交叉參考

Lukas 10:42

pero eessa la i talagaay a kailangan. Pinile ni Maria u tama a bagay a awan mamawan nikuna.”

Lukas 7:46

Awanák mo linangisan ti ulo, pero pinahidan na ti pasáppot i tikád kuwáy.

Juan 11:2

Ti Maria u nángbulak tu pasáppot tu tikád ni Jesus sakay káttapos ay pinahiden na tu buuk na. Sakay dipo nagkasakit ti Lazaro,

Juan 11:28

Tu pákkakagi na ti iye ay nagsole ti Marta tu bilay de. Dinulaw na u wadi na a ti Maria sakay kinagi na ti lihim, “Atoy dán u Maisto, sakay impadulaw na ka.”

Juan 11:32

Káddemát ni Maria tu páppágyanan ni Jesus ay dimmapa siya tu atubang na sakay kinagi na, “Panginoon, ni katoy ka la he ay awan nakwa natay u wadi ko.”

Juan 19:39

Inaguman siya ni Nicodemo, u lállake a bimmisita tu itod ni Jesus tu essa a gibi. Tettawed ti Necodemo a mga tallo pulo a kilo a pasáppot a halo-halo a gábwat ti kayo.