2 Corinto 13:5 - U Maganda A Baheta Ni Jesu-Cristo
5 Suriyán moy u sadile moy tánni matukuyan moy a talaga ni tehhod kam a pánnampalataya ni Cristo; purbaan moy sadile moye. Awan moy beman tukoy a katoy nikam ti Cristo Jesus? Maliban dálla ni awan kam tunay a mánnampalataya.
Manatile kam nikán tán manatiliyák be nikam. Awan makapagbunga u essa a pinget ni awan nakakapit tu ponan. Konna bi hod u mangyare, awan kam magbunga ni awan kam manatile nikán.
Hikán ay hod nide sakay hiko ay hod nikán, tánni tatahoden a magin essa hide. Tán matukuyan nu taga-mundu hide a pinaangayák mu he, sakay matukuyan di be a mahal mo u maniwala hide a konna tu págmahal mo nikán.
Awan moy beman tukoy a parte kam nu bággi ni Cristo? Kaya ni hikán u bággi ko a kabahagi nu bággi ni Cristo ay talaga awan ko iduhog tu bággi nu belyas? Awan itod maare!
Awan moy beman tukoy a u bággi moy ay templo nu Banal a Ispirito a kátna nikam sakay tinanggap moy a gábwat tu Diyos? Kaya awan moy dán kao u bággi moy.
Awan moy beman tukoy a u pinile hide nu Diyos u mághatul ti munduway? Ni hikam u maghatul ti munduway, awan moy beman kaya a hatulan u konna hina ti kabadit a bagay?
Tukoy moy a u kasale tu ginanan ay sabay-sabay a magginan, pero eessa la u makatanggap ti gantimpala! Kaya husayán moy a magginan tánni makatanggap kam ti gantimpala.
Disiplinaán ko u sadile ko sakay magpugáddák, dipo ni awan, bakay káttapos ko a magbaheta tu Maganda a Baheta tu agum ay hikán pa u awan makatanggap ti gantimpala.
U Diyos u hed nikitam kaya hikitamon u Templo nu Diyos a biyag dipo hina madukás nite ugnayan u Templo nu Diyos tu diyos-diyosan. Siya dán u nagkagi: “Mágyanák sakay mákkabiyagák nide, Hikán u magin Diyos de, sakay hide ay magin kao ko.
Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.
Dapatay ay ilingán nu balang essa u sadile na a gimet. Dipo u nakapangatád tu kasayaan nu tolay ay u pággimet na ti maganda bakán au pángpareho na tu agum tu gimet na.
Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.
Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.
Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.
Awan hide magpasakup ni Cristo bilang ulo sakay te kapangyariyan tu buo a bággi a namagtongko-tongko sakay mangalaga nikitam a kumán a bággi na. Tu konna hod ay lumagu kitam ayun tu páglagu a gusto nu Diyos.
Manatile kam nikuna sakay tulos-tulos a lumagu tu pákkakilala moy nikuna. Magpakatibay kam tu pánnampalataya a netoldu nikam, sakay lagi kam a magpasalamat tu Diyos.
Kumán hide adi Janes sakay ti Jambres a kimmontara ni Moises, dipo kimmontara be hide tu tatahoden. Awan dán hide ti maisip a maganda kaya u pánnampalataya de ay awan tunay.
Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.
Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.
Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.
Labanan moy siya sakay magpakatatag kam tu pánnampalataya moy tu Diyos. Dipo tukoy moy labe a bakán la a hikam i magdanasay ti konna he a hirap, nan pate u kákkapatkákka moy hide tu buo a mundu.
Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.
