1 Juan 1:7 - U Maganda A Baheta Ni Jesu-Cristo

⁷ Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 1:7 交叉參考

Mateo 6:12

Patawadán mu kame tu kasalanan me a konna tu págpatawad me tu nagkasala nikame.

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Juan 12:35

Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan.

Juan 5:4

Áuhayán de a magahikad u dinom, dipo ni minsan ay umogsad u essa a anghel nu Diyos sakay labugán na u dinom. U dipalongo a makatabsung tu dinom ay maghusay maski ni ánya u saket na.

Roma 13:12

Adene dán a lumipas u gibi, sakay magamulaldew dán. Kanya adággen tamon u gimet hide tu kadiklámman sakay isulot tam u maganda a gimet bilang panglaban tam a katoy hide tu demlag.

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

1 Timoteo 6:16

Siya la u awan mata-matay, sakay mágyan tu demlag a awan maláttángngan. Awan ti tolay a naketa oni maketa nikuna. Kao na u karangalan sakay u awan ti katapusan a kapangyariyan. Amen.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Santiagu 1:17

Atanan a mágkaganda a bagay ay inyatád nu Diyos a nanggimet tu aldew, bulan, biton ay tu langet. Sakay maskin magbagu iye a atanan ay awan siya magbabagu nikitam maskin nikan.

1 Pedro 1:19

Nan u nangtubus na nikitam ay u dige ni Cristo. Siya u konna tu tupa a awan ti dangát sakay kapintasan, a ne alay tu Diyos tánni matubus u kasalanan nu tolay.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

1 Juan 1:5

Sa iye u nasaneg me tu Anak na sakay inpakapospos mi be nikam, u Diyos ay demlag sakay awan ti ányaman a kadiklamman nikuna.

1 Juan 5:6

Ti Jesu-Cristo ay immangay ti munduwáy, nabawtismuwan tu dinom sakay timmuhog u digi na tu kákkatay na. Bakán la siya a nabawtismuwan tu dinom nan timmuhog pa u digi na. U Banal a Ispirito u mangpatunay a tatahoden iye, dipo u tatahoden la u katoy tu Banal a Ispirito.

1 Juan 5:8

U Banal a Ispirito, u dinom sakay u digi. Nagkaessa i tállowan iye tu págpatunay de.

2 Juan 1:4

Masayaák a tahod ta netan ko a simmampalataya tu tatahoden u agum hide a anak mo. Gággimitán de u inyutus nu Ama nikitam.

3 Juan 1:4

Awan dán ti agum a mas makapangpasaya nikán ni mabaheta ko a nabiyag a ayun tu tatahoden u anak ko hide ti pánnampalataya.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.