1 Corinto 12:7 - U Maganda A Baheta Ni Jesu-Cristo

⁷ Inatádden nu Banal a Ispirito u balang essa nikitam ti sadile tam a kaluub, tánni magserbi kitam tu kaguman tam hide para tu kapiyaan de.

1 Corinto 12:7 交叉參考

1 Corinto 12:12

U bággi ay eessa pero makpal a parte; maski ni binuo nu iba-iba a parte, ay eessa pade iye a bággi konna bihod ti Cristo; makpal u mánnampalataya nikuna pero eessa la ti Cristo a nákpagkaessaan de.

1 Corinto 14:12

Dipo tu hangad moy tu kaluub hide nu Banal a Ispirito, dapat sikapán moy a sumagana kam tu kaluub a makapangpalagu tu mánnampalataya hide.

1 Corinto 14:17

Dipo maski ni maganda u págpasalamat mo tu Diyos, awan kalabe makatulung tu págpalagu tu pánnampalataya nu agum.

1 Corinto 14:19

Pero tu pamággipun-ipun nu mánnampalataya hide ay mas gusto ko pa a magupos ti limma a upos a maintendiyan sakay makapagtoldu tu agum, nan libu-libu a upos a awan labe ti makaintendi.

1 Corinto 14:5

Nadid, gusto ko nakwan a makapagupos kam a atanan tu iba-iba a upos, pero mas gusto ko a makapagpahayag kam tu upos nu Diyos. Dipo u tolay a mágpahayag tu upos nu Diyos ay mas mahalaga nan makapagupos ti iba-iba a upos, maliban dálla ni tehhod a mágpaliwanag tu kahulugan nu kákkagiyán na tánni bumegsak u mánnampalataya hide.