Zefaniya 3:4 - Amazwi Yakwe Leza 2013

⁴ Yakasema yakwe imbutuma. Yene incenjezi.

Zefaniya 3:4 交叉參考

Ezekelo 22:26

Yasimapepo yao yakaonona amasunde yane, nupya yasicindika ivyamuzilo vyane. Yasipusanya vyamuzilo ni visi vyamuzilo. Apa kusambizya yasipusanya ivintu ivikakowezya antu ni visikowezya, nupya yasisakamala ni Sabata kwene. Uli mulandu kwene uno aina Izlaeli yasincindikila.

Malaki 2:8

Lelo mwemo mwafutatila inzila yane. Usambilizyo winu waponzya antu avule. Mwavuna upangano wane uno nacita namwe.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Ezaya 9:15

Aikolo na yasimucindikwa ali mitwe. Yakasema akasambilizya ivya ntumpu ali misinda!

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

2 Kolinto 11:13

Antu yao yasi atumwa acumi, yene atumwa ya ufi, yano akatumpoka pamulandu wa mulimo wao nupya yakaomvya usomvi kuti yaloleke wa atumwa yakwe Klistu.

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

1 Samueli 2:22

Lyene Eli, mu ukote wakwe, atwalilila ukuuvwa vyonsi vino ana yakwe aonsi yacitanga ku ina Izlaeli na vino yacitanga uzelele na anaci yano yatumikilanga pa mpongolo yi Taalu lya Ukongano.

Yakapingula 9:4

Iyamupeela ulupiya lwakwe siluva ukulingana amakumi cinimbali ukufuma mu ng'anda ikulu yakwe Baali Beliti. Ulupiya kwene lulo luli luno Abimeleki aomvya ku kulembelapo awelewele, yamapuzu akuti yamulondela.

Yelemiya 34:19

Asambazi amu Yuda na amu Yelusalemu, yamutungwi ya kwisano yasimapepo na antu yonsi amu mpaga yano yapisile apakasi ka viputulwa vya kang'ombe kaputulwe apakasi,

Ezekelo 44:23

Yasimapepo yace yasambilizya antu yane ukupusanya vintu vyamuzilo ni vyasilesile, yace yayalanga na vino ivikowele ni visi vikowele vyapusana.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Ezekelo 22:6

Intunguluzi zinu zyonsi mwe ina Izlaeli zikaomvya amaka yakwezyo pa kukoma antu.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”