Zefaniya 3:17 - Amazwi Yakwe Leza 2013

¹⁷ Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Zefaniya 3:17 交叉參考

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Yelemiya 32:41

Ndatemwa ukuyacitila ivisuma, ndayalema umu mpanga kwene ii, uku mwenzo wane onsi nu ku mupasi wane onsi.”

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Malango 30:9

Yawe alamupeela ulongo mu milimo inu yonsi. Mulakwata ana avule ni viteekwa vivule, nga mu vyalo vinu mulaya uzombozi ukulu cuze. Yawe umwisikulu alaitemelwa kumupeela upolelelo wakwe vino wapeezile ivikolwe vinu.

Zefaniya 3:15

Ala Yawe wene watalovya anisi inu, Watalovya yayo yonsi akamucuzya. Yawe uwamuteeka mwemwe mwe ina Izlaeli, ali namwe, fwandi kusi icakuti mwaoopa foo.

Yoane 15:11

“Nati munena vintu vii kuti muye mu luzango ndi luno nkweti, na kuti luzango lwinu luye lufumaluke.

Ezaya 65:19

Nani kwene kumwi, ndaya sile uwa nsansa zituputupu, pamulandu wakwe Yelusalemu na antu yakwe. Mutalaya uwakulukusya aminsozi, nanti sile uwakukuuta ati, ‘Tutulwe!’

Mpendwa 14:8

Yawe ndi watemwa angatwingizya mu mpanga ilya nu kuipeela kunotuli. Impanga ilya ikulu nupya ivunde cuze.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Yoane 13:1

Kwasile sile uwanda onga kufika ku kuzevya kwa Cimulo ca Ucilo. Yesu wamanyile vino kasita kati kafika ka kufuma mu nsi kuya kuli Isi. Pano insita zyonsi watemilwe akwakwe yano ali mu nsi. Wene wayatemilwe cuze.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Utandiko 18:14

Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”

Ezaya 18:4

Yawe wavwanga kunondi wati, “Kuno nemo nkaikala, namaya cele nu kulolekesya sile, ndi vino akasanya ka kayenkema umu manso, lino ilanzi lyawalisya, ungati akungwi wiya wino akaya kweneko, lino kwaya icipuki icisanya apa nsita ya uzombozi.”

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

Utandiko 2:2

Pa wanda uwalenga cinimbali, walanga Leza watamala umulimo wakwe onsi wa kuumba, nga apuuza.

Oseya 14:4

Yawe akuti, “Ndawezya antu yane kunondi, ndayatemwa nu mwenzo wane onsi, pano natinta ukuyasokela.

Yowelo 2:21

“Mwe vyalo namwe mutuvwa intete, lelo muzange nu kusansamuka pamulandu wa vintu vyonsi vino Yawe watamucitila.

Malango 23:15

“Umuzya ndi wapuuka ku mwene wakwe, nga aiza azina kunuli, utaca uleke aswilile kweneko.

Masamu 78:65

Nga alino Yawe wazyuka umutulo, kwati umusambazi wino wasantamuka umu tulo, uwala kolike waini.