Zefaniya 2:8 - Amazwi Yakwe Leza 2013

⁸ Yawe akuti, “Natinuvwa intusi zya ina Moabu ni misowe ya ina Amoni, muno yakutuka antu yane na muno yakuyuvwa ukuti yamapoka impanga yao.

Zefaniya 2:8 交叉參考

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Yelemiya 49:1

Apa mulandu na ina Amoni, Yawe wavwanga wati, “Uzye Izlaeli atakwata ana aonsi? Uzye atakwata impyanyi? Icani fwandi cino Mikilomu wapyanyile Gadi? Icani cino antu ya mutundu wakwe ikalile umu misumba iyaya mwenemo?

Ezekelo 36:2

yano ne Yawe nkuvwanga ukuti anisi ya ina Izlaeli yalazanga yati, ‘Eya! Imyamba yampiti ilya yaya icuma citu.’

Yoswa 5:9

Lyene Yawe anena Yoswa ati, “Ilelo natimfumya ukunenola kwa ina Eguputo panomuli. Acino na pilelo kwene icifulo cici cikaamwa ukuti Giligali.”

Ezaya 15:1

Amazwi asowilwe pamulandu na Moabu. Lino yacimvizye umusumba wa Ali nu wa Kili mu mpanga ya Moabu, usiku wa wanda onga kwene, Moabu wensi wali cele.

Ezaya 16:6

Antu aku Yuda ali pakuvwanga yati, “Tuuvwa mpiti ivilumba vya ina Moabu. Twamanya nu kuti antu yamwi akaitutumula, yene amitumfyo nupya ukuyuvwa kwao ukwa silesile.”

Yelemiya 12:14

Nupya Yawe avwanga ati, “Nemo indi penepo na vimwi vyakulanda pa lwa antu aipe ainipamba yakwe Izlaeli. Ala antu yayo yonona impanga ino ne mweneco napiile ku antu yane aina Izlaeli. Antu yayo nemo ndayafumya umu mpanga zyao. Yalaya wa muti uno yatukula, alino ndapususya aina Yuda.

Nyimbo zya ndosya 3:61

“We Yawe, watuyuvwila wenga intusi zino yakuntuka nga na mapange yao kwene.

Ezekelo 21:28

“We mwana wa muntu sema amazwi yane. Kafisye amazwi yano ne Yawe Simwandalali nkunena aina Amoni, akatukola intusi aina Izlaeli. Kayanene uti, ‘Ala ulupanga alulo, lukulonda ukusalipa. Lwatilukulumbikilwa ukusalipa, nu kumyantula wa nkuwa.

Amosi 2:1

Yawe wavwanga wati, “Aikazi aku Moabu yacili yakutwalilila ukwifya. Acino nemo ntalata ukuyavunuka. Yene yasowike amafupa ya mwene waku Edomu pa kuyoca mpaka yaya itwi.

Zefaniya 2:10

Vivyo ali vino antu amu mpanga ya Moabu na ina Amoni yalavunukwa pa kuituumika nu kuya ni cilumba, pa kutuka nu kusoweka antu yakwe Yawe Wamaka yonsi.

Utandiko 19:37

Nyinalenzi waviile umwana umonsi wino watemile izina Moabu. Cili cikolwe ca ina Moabu kufika ni lelo.

Utandiko 19:38

Nu muto nawe kwene waviile umwana umonsi, nga wamutemile izina Benami. Cili cikolwe ca mutundu wa ina Amoni kufika ni lelo.

Yelemiya 48:1

Pamulandu wa ina Moabu Yawe Wamaka yonsi, Leza wa ina Izlaeli, walanda wati, “Kalanda ku musumba wa Nebo, wasanguka ulwanga. Kilyataimu yalamupupanya nu kumupoka. Ilinga lyauko lyamaka yalalipupanya nu kulitamola.

Ezekelo 25:1

Yawe avwanga kunondi ati,

Ezekelo 35:12

Mu cumi, alino lyene ulasininkizya ukuti nene ne Yawe nkauvwa kuno ukavwanga musaluula musaluula uti, ‘Mu myamba yamu Izlaeli mutalasyala akantu nanti kamwi, asweswe kwene tuli nu kuvipoka.’