Zefaniya 2:15 - Amazwi Yakwe Leza 2013

¹⁵ Ukwene uli musumba uno waitakizizyanga amaka nu kwelenganya ukuti utenzi mu mutende. Antu yamwenemo yakaelenganya mu myenzo yao yati, “Umusumba witu uli musumba umu nsi yonsi uwamaka ukuluta.” Wene ulaya wi tongwa, mumo muno inyama zya mpanga zilikala! Umuntu wensi wino alapita apipi alazakaza nu kuvwa amiiku uku ntete.

Zefaniya 2:15 交叉參考

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

Naumi 3:19

Icilonda cako citalatala cilole umulembo, nupya impofya yako itangapoziwa, awe. Wensi wino uvwa ilyasi lyapali wewe, alakomela amakufi apakuzangila ukuwa kwako. Uzye kuli umwi wino walewike uzunyo wako ukakate?

Ezaya 22:2

Umu musumba monsi mwatimukaya na see! Owe, we musumba wa cimvulunganya ni ciwowo! Antu yako yatakomilwe uku lupanga foo, nanti ukufwa umu nkondo.

Ezekelo 28:9

Uzye lyene ulasya uvwange ukuti wewe kaleza apa manso yakwe yayo alakukoma? Awe, wemo ulaloleka wa muntu, lino ulaya mu makasa yakwe yayo alakukoma, lelo asi wakwe kaleza foo.

Nyimbo zya ndosya 2:15

Antu yonsi akupita mu musumba yakukusonta ni minwe, yakufunga na makofi misula misula. Yene yakuvwanga yati, “Uzye uu uli musumba uno yakulumbilizya yati, ‘Nacansonso Citaizipila, luzango wa nsi yonsi?’ ”

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Yelemiya 19:8

Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Mateo 27:39

Na antu apitanga mu pipi yapukunya mitwe yao nu kusoweka Yesu yati,

Ezekelo 29:3

Vwanga kunoli uti, Yawe Simwandalali walanda wati, lyene namakufutukila we Falao, umwene waku Eguputo, mung'amba mukulu we, wemuno ukalambalala mukasi kakwe Nailo nu kuitanka uti, ‘Nailo ali cuma cane, nene namupanga.’

Ezekelo 27:36

Aculuzi amitundu yakuwa imiluvi pali wewe, pano watusanguka cakoopa, nupya watuononeka.”

Nyimbo zya ndosya 2:1

Iye mwe vino Yawe ku cipyu cakwe wataponyezya Zioni umu mfinzi. Ucindami wa kwiyulu uno Izlaeli wakwata, Umwene wataonona. Uwanda uno wasosile atasakamile nu kucilyatilo ca ngazo zyakwe.

Ezaya 32:9

Uvwini kuno mwe yamangu, mwemuno mwikala mu cinenke, muno musisakamala akantu nanti kamwi.

Yobo 27:23

Lilya kwene lino yakuti katuutuke, ali lino nkungulupya akayalondelela na maka apakuti ayonone.”

Yobo 16:4

Nani kwene inja wakwe mwemwe, ningavwanga vyonsi vino mukuvwanga. Ngano nkuti ndi navwanga intensya nu mutwe mpaka muzuka na cele, uku mazwi yane.

Ezaya 32:11

Caleka fwandi tandikini sile ukuizakazila uku ntete, mwemuno mwikala mu cinenke. Musokozoke sile mwemuno mutasakamala akantu nanti kamwi! Zulini insalu zinu zino muzwite, musyale sile ni visamu mu misana.

Ezaya 32:14

Nu kwisano kwene kutalaya umuntu wino alaikalako, nanti sile mu musumba onsi mutalasyala nanti wenga uwa cingila. Imisumba yonsi iya malinga kumwi ni mpungu pano yakatokowala pa kuisopa, vilasyala ivitalang'anda sile. Yacoolwa ali yano yalaazeuluka mwenemo, ali muno ni mfwele zilaalila mwenemo umulemvwe.

Yelemiya 18:16

Yasenula impanga icitumba, icintu cakusausya amanda pe, na wensi wino alapita apipi cilamupezya amano, nupya alapukunya sile umutwe.

Ezaya 47:10

“Wemo utakwatanga insonyi apa kwifya, pano welenganyanga ukuti kusi nanti wenga wino akukulola. Amano yako nu ucenjezi wako vyakupumbozile, nga uivwanzya umu mwenzo uti, ‘Anene nenga mpo, kutaya namuze wakwe nene, awe.’

Yelemiya 50:13

Atalatala aikalwemo nupya, pamulandu ni cipyu cakwe Yawe. Alasanguka ulwanga umwaulwa akali konsi na wensi aalapita ku Babiloni, alazunguka wakwe cimwi nu kulizya miluvi pamulandu nu ulanda wakwe onsi.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Habakuku 1:7

Konsi kuno yangaya, yali nu kulenga antu yuvwe intete nu koopa. Yene yakaituumika nu kuipeela insambu nga nu kuilondela umucinzi.