8 Yawe akuti, “Pa wanda kwene uo uwa mpolelwa yane indavunuka intunguluzi na ana ya mwene na yayo yonsi akalondela intambi zya inamasi.
Mu wanda ulya Yawe alavunuka asambazi yamaka yano yayela umupela, kumwi na yakateeka yamaka ya panonsi.
Na pa ana yako aonsi yano waivyalila we mweneco, yalasenda penepo yamwi nu kuya yacita yamutungwi, akuombela umwene ukwisano lyaku Babiloni.”
Lelo Yawe akuti, “Nemo ndamalilila vino nkucitila Mwamba wa Zioni nu mu Yelusalemu, nemo ndavunuka mwene waku Asilya, apa cilumba cakwe nu kuyuvwa kwakwe.
Alino Yeu anena uwasunganga ivyakuzwala vya mapepo, ati, “Letela yakapepa yakwe Baali imingila.” Acino umuntu wiyo ayaletela imingila.
“Anaci yatalinzile kuzwala vyakuzwala vya onsi, nga aonsi nayo yatalinzile kuzwala ivyakuzwala vya anaci. Yawe Leza winu wapata yao akacita vintu ivyamusango uu.
Umu cumi, watutazyela antu yako, amu mupanda wakwe Yakobo. Mu mpanga mwatimuzula yasin'ganga yaufi, ukufuma uku ufumondaka, uku mpanga ya ina Filisti. Antu lyene yambukilwa ni misango ya inamasi.
Yene yakasausya yamwene nu kuzewanya intunguluzi. Kusi ilinga lili lyonsi ilingayalesya, pasi pano yene yakatulika amasenga akukwelelapo; nu kupoka umusumba uo uwi linga.
