Zefaniya 1:18 - Amazwi Yakwe Leza 2013

¹⁸ Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Zefaniya 1:18 交叉參考

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Ezekelo 7:19

Zaabu wao ni mpiya zyao yalavisumba mu miseo yamu musumba kwati ivyausali, pano impiya na zaabu vitangalola ukuyatuula pa nsita ino Yawe Leza ali ni cipyu. Vitangalola umusango wakuyatuusizyamo ku nzala. Vingalesya nu kuikusya, pano zaabu ni mpiya ali vintu vino vyayalenganga ukwifya.

Mapinda 11:4

Vyuma vitalakucitila nanti cimwi pa wanda wa ukali wakwe Leza, lelo ukucita vyaololoke kungakutuula.

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Utandiko 6:7

Caleka avwanga ati, “Namaonona antu yonsi pyu yano nauumba, ni nyama, ni vikasela, ni vyunyi ivikapapuka. Pano vyandenga ulanda pa kuviumba.”

Zefaniya 1:15

Uwanda uo ulaya uwanda wa ukali, ulaya uwanda wa malanda nupya uwa cililizi, ulaya uwanda umwi uwa ononyi, nupya uwa cimvulunganya, ulaya uwanda wa mfinzi nayo ifitisye fititi, ulaya uwanda wa cifutika nupya uwa cipunga icikulu.

Zefaniya 1:11

Mwe muno mwikala umwi pamba lya mwisika lya mwamba, lino muluvwa ivintu vivyo muce mupomole impoma, pano aculuzi yonsi yalafwa.

Ezekelo 16:38

Nupya ndakupezya ivikapeziwa yamangu yano atemwa ukulongozya nu kuzwisya uwazi. Ndakuvunuka nu lucu nu uzuwa.

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Ezaya 1:24

Ali cino fwandi Yawe Wamaka yonsi, Wamaka wilya wa ina Izlaeli wavwanga wati, “Ndalandula kuli mwe anisi yane, nu kuncuzya mutalancuzya nupya foo.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

1 Yamwene 14:22

Mu manda kwene yalya antu amu Yuda yacisile iviipe pa manso yakwe Yawe. Apa kwifya kuno yifizye ukuluta vino ivikolwe vyao vyacisile, yene yalenzile Yawe ukuvwa uzuwa.

Malango 31:17

Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.

Mapinda 18:11

Ivyuma vya mukama ilinga lyakwe ilikome ndi. Yakalilola ndi vino iciumba cimwi icitalimpisye.

Masamu 79:5

We Yawe, uzye ukutusokela kwene kuu, kulasila lilaci? Si namanye ukwa muyayaya? Uzye cumi avino umalunkumanga wa moto vivyo kwene uku ukali?

Yobo 21:30

Pa wanda wa upinguzi, ndi muno antu yakavwangila, Leza atalavunuka aipe lelo yalikala sile ningo. Nu kupusuka alio yaliza yapusuke apa wanda uno Leza alasoka.

1 Kolinto 10:22

Nanti uzye tukulonda kuleka Mwene aye nu uzuwa? Swemo tutaluta Mwene maka.

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Ezekelo 7:5

Yawe Simwandalali wavwanga wati, “Isyamo lyala lyamulondelela.

Ezekelo 7:11

Ukali lyene wakatuka, Leza amaonona imikalile isuma ya antu aipe, ukwaula intazi nanti ukupamviwa.

Ezekelo 23:25

Ndaleka yakutakanye cipyu cipyu, pano nemo ninkusokela. Yalakuputula impuno na matwi, yalakoma na ana yako. Yalakupoka ana yako aonsi na anaci, yakayoce nu mu moto.

Zefaniya 2:2

lino anisi inu yatali kuti yize yamusende ndi vino umuza ukaululula cungu, lino ukali wakwe Yawe utali umuponele, lino uwanda wa ukali wakwe utacili wize.

Yobo 3:15

Ngano nindala wakwe yamwene aizuzizya zaabu na siluva mu mang'anda yao,

Ezaya 10:3

Uzye mulacita cani uwanda uno ndiza umu kumukalipila, lino uzanzo ulafuma ukutali nu kwiza muponela?

Ezaya 10:17

Leza ulukozyo lwamu Izlaeli, aliwe alasanguka umoto. Leza, Wamuzilo wilya wakwe Izlaeli, alasanguka icimbilimbili ica koca yonsi pyu, apa nsita yonga mpo, imyunga na yankololwe vilapiliila kumwi.