Zefaniya 1:15 - Amazwi Yakwe Leza 2013

¹⁵ Uwanda uo ulaya uwanda wa ukali, ulaya uwanda wa malanda nupya uwa cililizi, ulaya uwanda umwi uwa ononyi, nupya uwa cimvulunganya, ulaya uwanda wa mfinzi nayo ifitisye fititi, ulaya uwanda wa cifutika nupya uwa cipunga icikulu.

Zefaniya 1:15 交叉參考

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Ezaya 22:5

Ndakai ili nsita ya malanda, iya wilikizi na kanyati nupya iya cimvundawila muno umu Cifoloma ca Cilolwa. Na vii vyonsi Yawe Wamaka yonsi aliwe avilesile kunotuli. Uli wanda wa kuwisya kwa malinga, Ni mpooma zyakwe tutulwe, zyati zyuvwika papela ya myamba.

Umbwilo 6:17

Pano wanda wa ukali wao wati wiza, uzye lyene aweni angimilila?”

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Zefaniya 2:2

lino anisi inu yatali kuti yize yamusende ndi vino umuza ukaululula cungu, lino ukali wakwe Yawe utali umuponele, lino uwanda wa ukali wakwe utacili wize.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Yelemiya 30:7

Iye mwe vino uwanda uu wakulisya! Kusi uwanda nauze uno wakolana na uu. Insita imwi iya ulanda kuli Yakobo, lelo wene alakululwa.

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Malango 28:52

Yene yalazanza imisumba yonsi iyaya mu mpanga ino Yawe Leza winu akumupeela, nupya na malinga kwene atali yano mwataila yalaongoloka.

Ezaya 8:22

limwi iyatumbwila sile amanso pansi. Awe cumi icauwelewele sile, iyazana imfinzi, nayo iyamalanda sile. Apa nsita iyo iya cimvulunganya, antu yatalalola apakufyonsezya.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Ezaya 13:9

Wanda wakwe Yawe uliiza kwaula uluse. Ulaya uwanda wa ukali ni cipyu cikalamba. Ulasangula impanga iye amapooli nu konona kaifya wensi.