Zakaliya 7:9 - Amazwi Yakwe Leza 2013

⁹ “Yawe Wamaka yonsi wavwanga wati, ‘Putulini imilandu nu ulungami wa cumi. Nupya cila wenga aye nu luse na mizu ku muntu muze.

Zakaliya 7:9 交叉參考

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

Yelemiya 7:5

“‘Mucumi ndi cakuti mwasenula imiyele inu ya wikazi nga ni vicitwa vinu vino mukucita, nu kusakamala ukukana fyengana,

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Yoane 7:51

“Kulingana na Masunde itu, uzye tulinzile kupingula umuntu lino tutali tuvwe kunoli nu kumanya vino watacita?”

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Mateo 23:23

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

Amosi 5:24

Lelo lekini ulungami winu wakonkoloka wa luzi, nu ololoke winu wa kaluzi kano kasipwa.

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Aina Levi 19:15

Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Yoane 7:24

Mutapingula mu milolekele ya vintu, lelo pingulini kulingana ni cumi.”

Malango 22:1

“Ndi walola masaye nanti imfwele ya muzo yatiponga, utapupuzya. Lelo ulinzile kumusenda nu kumuswilizya kunoli.

2 Samueli 9:7

Davidi nawe amunena ati, “Utuvwa intete, pano namakucitila uluse pamulandu wakwe so Yonatani. Namakuwezezya impanga yonsi iyali yakwe sokulu Saulo, nupya ulaimulwa api tebulo lyane lyonsi kwene.”

Yobo 6:14

“Ala lino indi mu ucuzi wakwe uu, nkutaila ukukwata ivyuza vyampomvu, cisi cimwi nanti indi ni misuuli kuli Leza Wamaka yonsi nanti foo.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Ezekelo 18:8

Asiliila muli vino wazimisya, asipoka nsonse, akafuntusya iminwe yakwe ku viipe, akapingwila na antu mu ulungi.

Zakaliya 7:8

Yawe alanda nupya kuli Zakaliya ati,

Yobo 31:20

nga nani imuta apita ukwaula kuti imupele ivyakuzwala, ivyapangilwa ku mavumbu afuma ku mfwele zyane, nga nawe apita ukwaula ukuntaizya nu mwenzo wakwe onsi?

Oseya 12:7

Yawe akuti, “Aina Izlaeli yakoline na aculuzi aucenjezi yano yakaomvya inteko zya ucenjezi. Yene yatemwa ukuliila antu mu umfisolo.