Zakaliya 7:3 - Amazwi Yakwe Leza 2013

³ Yaile ku kuyauzya yasimapepo na yakasema yati, “Uzye tumatwalilila sile ukulosya pamulandu wakononwa kwa Ng'anda ikulu yakwe Yawe nu kuizilizya ukulya mu mwezi wakwe cisano ndi muno tukacitila pa myaka ivule ndi vii?”

Zakaliya 7:3 交叉參考

Zakaliya 8:19

“Kuizilizya ukulya kuno mwemo mukacita mu mwezi wakwe cini, wakwe cisano, wakwe cinimbali nga nu walenga ikumi, kulaya amanda makulu akuzevya mwenemo nu kuzanga ku antu amu Yuda. Fwandi mwemo mwatemwa sile ivyacumi nu kwikala umutende.”

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Zakaliya 7:5

Atandika nu kunena ati, “Nena antu yonsi mu mpanga, unene na yasimapepo kwene ukuti lino yakuizilizya ukulya na lino yakulosya mu mwezi walenga cinimbali, apa myaka amakumi cinimbali yonsi ino yapita, uzye apamulandu wakwe nene, acino mwacitilanga cico?

Hagai 2:11

“Vino nkulanda nene ne Yawe Wamaka Onsi aivi: Londini yasimapepo kuti yaputule umulandu uu:

Yowelo 2:17

Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Kasambilizya 3:4

Kwaya insita ya kuvwa ulanda ni nsita ya kusansamuka, kwaya insita ya kulosya ni nsita ya kucina.

Malango 33:10

Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.

Ezila 3:10

Walanga yakakuula yamala uku kuula umufula wa Ng'anda ikulu yakwe Leza, yasimapepo nayo pali pakwiza, ale yatiyazwala insalu zyamutengo zya usimapepo izisuma. Yasenzile ni ntandala yakulizya. Aina Levi (ana aonsi yakwe Asafu) yene ala yali ni viwaya yakulumbanya Yawe, wakwe vino Davidi mwene wa ina Izlaeli wayatantikile.

Zakaliya 7:4

Lyene izwi lyakwe Yawe lyamfikile ne Zakaliya.