Zakaliya 3:4 - Amazwi Yakwe Leza 2013

⁴ Nga alino umungeli wilya anena yayo aimi inkolelo yakwe ati, “Simulini, zulini umuntu wiyo insalu zyakwe zya vikwi.” Lyene umungeli anena Yoswa ati, “Walola, nemo nakufumizya uyi wako nga lyene namakuzwika insalu iziswepe.”

Zakaliya 3:4 交叉參考

Luka 15:22

Lelo isi aama aomvi yakwe ati, ‘Pitisyini, letini zuwa umwingila usuma kuluta pali yonsi mumuzwike. Mumuzwike ni mbalaminwe ku munwe ni ndyatu ku ngazo zyakwe.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Zakaliya 3:7

“Yawe Wamaka yonsi wavwanga wati, ‘Wemo ndi umayela amasunde yane, umaomba imilimo ino nkupiile, ale wewe umaya umukalamba wa ng'anda yane, ni misolo yane yonsi kwene. Nu kuvwa namauvwanga amapepo yako ndi vino nkauvwa amapepo ya angeli yaa aimilile apa nkolelo.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Ayebulai 8:12

Ndelela maifyo yao nupya ntaliusya viponge vyao.”

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Zakaliya 3:9

Si lolini, iwe lyonga mpo lino nemo niika pa manso yakwe Yoswa, lilyo ilili na matungi cinimbali! Nene nemwisikulu ne Yawe Wamaka yonsi namalembapo ivilembo, na pa wanda uli onga kwene ndafumya uyi mu mpanga ii.

Masamu 51:9

Funtusya usyu wako kunondi, uku kulolekesya uku maifyo yane. Kumbula uyi wane onsi.

Kolose 3:10

nupya mwati mwingila mu umi upya. Ndakai mukulunduluka mu kulolana na kaumba winu pakuti mumumanyikisye ningo mu ufumaluke.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Luka 1:19

Lyene mungeli amwaasuka ati, “Nene Gabilieli, wino akaikala pipi na Leza, nupya natumwa kuti nize nkumanyisye nu kukunena Ilandwe Lisuma lii.

Zakaliya 3:1

Umu cilolwa cuze Umwene Leza wandanzile Simapepo Mukulu Yoswa, ala aimilile lwa pambali ya mungeli wakwe Yawe. Nupya wandanzile na Satana wiyo uwimilile ukwilunji lyakwe Yoswa apakuti angamuvwangila kweneko.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

Umbwilo 5:11

Alino ndola nupya, nga nuvwa mazwi ya angeli mazimbi ni mintapendwa! Yene yaimi iyalizizya cilimba ca wene, ni viumbwa vyaumi vini nga na ikolo.

Mateo 22:11

“Lelo lino mwene wingilamo kukulola yano amilwe, alola umuntu umwi mwenemo, wino atazwite vizwalo vya pa winga.

Ezekelo 42:14

Lino yasimapepo yamala ukuomba mu Ng'anda ikulu yakwe Leza, nga yalonda kufumila mu musolo wa mwi linga lya kunzi, yali nu kutala yasya mu miputule kwene iyo vyakuzwala vyamuzilo vino yali yazwite lino yakuombela Yawe. Alino nupya yali nu kuzwala insalu zyuze pakuya ku ncende kuno antu yakolongine.”

Mika 7:19

Nupya kwene ulaya ni nkunkunsi kunotuli. Ulalyatola amaifyo itu, nu kuvwintila ukakasi witu mu maziya pali yemba.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Yelemiya 52:33

Yeoyakimu, ali pakuzula ilaya lyamu ng'anda yaminyololo, walyanga napi tebulo lya mwene amanda yonsi aumi wakwe.