Zakaliya 2:4 - Amazwi Yakwe Leza 2013

⁴ Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’

Zakaliya 2:4 交叉參考

Zakaliya 1:17

Ulundepo ukuuma imbila uti, “Yawe Wamaka yonsi walanda wati, ‘Mu misumba yane ii mulaya icuma icivule. Yawe nupya kwene alatekezya Zioni, nga nu kuleka umusumba wa Yelusalemu waamwa ukuti umusumba wane.’ ”

Mika 7:11

Mwe antu aku Yelusalemu, insita iliza ya kukuula amalinga inu, insita ino yanande inu yalavungululwa.

Ezekelo 38:11

Ulalanda ukuti, namakatukila impanga ino itacingililwa, namazanza antu yaa yano yaikalila ku matwi cele, umu misumba ino itakwata amalinga, imilyango nanti mipikilizyo.

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

Yelemiya 31:27

Lolini, insita iliiza, ivyalanda ne Yawe, lino ndatovya mu ng'anda yakwe Yuda imbezu zya antu ni mbezu zya viteekwa.

Ezaya 49:20

Ana yako yonsi yano yavilwe umu nsita yako ya ulanda yalakunena ale ukuvwa, yati, ‘Mpanga yatitucepela wakwe cimwi, utupeele ncende nayuze yakwikalamo.’

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Yelemiya 31:24

Yuda ni misumba yakwe yonsi, alimi na yano yakazeuluka na maufyo ya viteekwa, yalikala mu mpanga kwene ii.

Ezaya 33:20

Sitala lolekesyini Zioni, umusumba wa vyakuzevya vitu vyaupefi. Amanso inu yalalola Yelusalemu, wikalo wa longo, itaalu lisitenta, lisisimpulwa impopo, ni myando ino wakwata iyamuntaputulwa nanti lyonga.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

Danieli 1:17

Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Yelemiya 1:6

Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”

Esita 9:19

Uli mulandu uno mungazana ukuti Ayuda akaikala umu mizi yapuzanga apa wanda uwalenga ikumi na yani, umu mwezi wakwe Adali. Ali muno yazanganga nu kucita amalila alino nu kupeela ivyawila ni vyakulya uku yauze.

Danieli 1:4

mu alumendo yano yatakwata indema nanti imwi, ayembe mukuloleka, yayo acincile ukusambilila, apakuti yene yangalinga ukutumikila mwi sano lya mwene. Asyipenazi wapilwe umulimo wakuyasambilizya kuwelenga nu kulemba icilimi ca ina Babiloni.

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Ezaya 54:16

Sitala lola! Anene naumvile musyanyi, kavukuta wa moto uwa makala, muno akafumyamo ivyanzo ivyakusula. Lelo pa kasita kali kamwi kwene anene nauumba nu mononyi kwene akavyonona. Icanzo consi cino yasuzile apakukulwisya, cilaposiwa ukuomba. Nanti sile ululimi lonsi luno lulakulolwela umu cilye apa kukusinila, yalalusinila ululio kwene. Vivyo vyonsi ali visuma vino aomvi yakwe Yawe yasyukila. Ali vilwilo vino ndayalambula.

Zakaliya 14:12

Ii, ilaya ili mpungo ino Yawe alaponyezya imitundu yonsi iyalwisizye Yelusalemu. Imili yao ilaola lino yacili apuma, amanso yao yalaolela mu vimfonka vyao ni ndimi zyao zilaolela mu tunwa twao.