3 Lyene umungeli wilya wino walandanga kunondi ansya, nga umungeli muze aiza ku kumukomenkanya.
Alino inuzya umungeli uwalandanga kunondi, inti, “Uzye impembe zii zyalola mwi?” Nga nawe aasuka ati, “Zii zili mpembe izyasalanginye antu aku Yuda, aku Izlaeli na aku Yelusalemu.”
Mungeli wino twalandanga nawe pakutandika wizile nupya anena ati, “Sanzula amanso ulole cino cikwiza.”
Mungeli wilya aasuka ati, “Uzye fwandi utamanyile?” Nani inti, “Awe, ntamanyile?”
Lyene umungeli wino twalanzile nawe pakutandika, wizile nupya nu kwiza njiukizya ne Zakaliya, kwati umuntu wino yazyula ku tulo.
Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’
