Zakaliya 10:2 - Amazwi Yakwe Leza 2013

² Antu yakauzya vimwi ku tuluwi tuleza twao, lelo vino tuluwi tukayasuka ala vyauwelewele sile, nupya ivyaufi ufite fititi. Yakasapoola nayo aufi sile, yakatumpoka, yakalota sile vyakulota, yakaicuzya sile ukutekezya antu imyenzo. Fwandi uli mulandu kwene uno antu yakalulumba sile wa mfwele ziponge. Antu yakacula pano yatakwata wakuyatungululako.

Zakaliya 10:2 交叉參考

Mateo 9:36

Walanga walola maumba, aya ni nkunkunsi pano yali apelelwe nupya aculisye, kwati imfwele izitakweti kacema.

Habakuku 2:18

“Uzye umulimo cii uno akaluwi kakwata? Kene kapangwa sile nu muntu, nupya katange kamunene icili consi suka intumpu. Uzye icani cingalenga ukuti kapanga wa kaluwi akataile? Utuluwi tuno wene akapanga tutangavwanga.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Ezekelo 34:5

Zyapasiike, pamulandu wa kuulilwa kacema. Lyene zyasangwike icakulya ca cilyanyi icili consi, zyasasantike.

Yelemiya 27:9

Fwandi, mutezya mwauvwa kuli yakasema inu, kuli yakasapoola inu, kuli yakalota yaviloto, kuli yakapendola na kuli yasing'anga inu yano yakamunena ukuti mutakatumikile umwene waku Babiloni.

Utandiko 31:19

Insita ilya Labani walanga wapita ku kusenya imfwele mavumbu, na lino atalipo Lakeli asyala aiya tuleza tuluwi twamu ng'anda mwakwe Labani, isi.

Ezekelo 34:8

Ne Yawe Simwandalali nkulapa inti, kasili, pamulandu wakuti imfwele zyane zikulemwa ku vilyanyi pamulandu wa kuulilwa kacema ndi vino namwe kwene mwe yakacema yane musiiezya nanti panono kuzilondolola, mukaisakamala sile mwenga, ukwaula kusakamala imfwele,

Mika 2:12

“Lelo mwe amu mupanda wakwe Yakobo, ndamukonganika pamwi mwensi. Mwensi mwe ina Izlaeli asyala ndamukonganika pamwi ungati mfwele mu citata, ungati ufyo umu ncende ya uko iyakucemelamo. Nupya kwene antu yalazuula wakwe cimwi mu mpanga inu.

Ezekelo 21:29

Nena aina Amoni ukuti ivilolwa vino yakalola ivyaufi, nu kuti ivisowelo vino yakasowela, navyo kwene ivyaufi. Aina Amoni antu yaipe nupya iviwelewele vya antu, nu wanda onga wasya uyazanikizye, uli wanda wakuyalyotola. Ulupanga lwatilufika pa nsingo zyao.

Ezekelo 21:21

Pano umwene waku Babiloni wataimilila pa masansa ya nzila ziili, akupendola pakuzulunzya inceto, akuuzya nu tuluwi twakwe nu kuceceta itima lya nyama ino yafyulile utuluwi.

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Yelemiya 51:23

kuti inkome yakacema na maufyo yao, kuti inkome alimi na yamasaye yao akulimila, kuti inkome alasi ni ntunguluzi kwene.”

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Yelemiya 37:19

Yalikwi yakasema inu yano yasowile ukuti umwene waku Babiloni atalakuzanza nanti uku wililila impanga yako?

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yelemiya 14:13

Lelo nani naasuka inti, “We Yawe Simwandalali, umanyile ukuti yakasema yakunena antu yati umu mpanga mutalapona inkondo nanti cipowe, pamulandu wakuti wayalaya ukuti mulaya sile icituku.”

Yelemiya 10:8

Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Yelemiya 8:11

Yene yakanyepela icilonda ca muntu wane umu kusakaizya, ala yakuti, ‘Ulongo, ulongo, nalino kusi ulongo.

Yelemiya 6:14

Yene yakanyepela icilonda ca antu yane mu kusakaizya ala yakuti, ‘Ulongo, ulongo,’ nalino kusi ulongo.

Ezaya 46:5

“Aweni fwandi wino mungankolanya kweneko, nanti ukundinganya kunoli? Uzye aweni ali wakwe nene wino mungakolanya nani?

Ezaya 44:9

Yakapanga ya tuluwi yonsi kwene aciwelewele. Ivicitwa vyao vino yakasansamukila mwenemo, vitalayatumbwila cimwi. Antu yano yakapepa utuluwi tuto impafu, nupya iviwelewele. Yene yalemwa ni nsonyi.

Yobo 21:34

Ata see, ala fwandi lyene musikuicuzya sile? Amazwi yano mukulonda mwantekezya umwenzo, a uwelewele sile! Fwandi na mazwi inu kwene yano mukumyalalikila umwenzo wane musi amano. Ukwasuka kwinu konsi ukwa kutumpoka sile.”

Yobo 13:4

Pano mwemo mukulonda sile mwailanga apakulanda ivyantumpu. Mwensi pyu umu mvwango zinu mukoline na yasing'anga.

1 Yamwene 22:17

Mikaya nawe aasuka ati, “Nemo nkulola kuno aina Izlaeli yasalanganile mu myamba wa mfwele izisi nu mucemi. Alino Yawe walanda wati, ‘Antu yaa yatakweti intunguluzi foo. Acino cila muntu kaapita ulumi ukwakwe.’ ”

Yakapingula 18:14

Lyene aonsi yalya yasano yano yaile iyendezya impanga ya Laisyi iyanena aina yao yati, “Uzye mwamanya ukuti umu ng'anda imwi pa ng'anda zii mwaya cakuzwala ca efodi, akaluwi akawaze kano yengelelako siluva? Nupya mwaya utuluwi tuze. Lyene elenganyini vino tulinzile ukucita.”

Mpendwa 27:17

iyakuyakolelela pa nkolelo, ino ingayafumya nu kuingizya. Pano ndi cisi vivyo, iuvi lii lingaya wa mfwele izyaula mucemi.”

Mako 6:34

Lino Yesu wapatuka mu wato, alola iumba likulu cuze, nga aya ni nkunkunsi, pano yakoline wa mfwele izitakweti kacema. Lyene atandika kuyasambilizya vintu ivingi.

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Zakaliya 11:17

Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”

Malango 13:2

pakuti amukoope ku kupepa nu kutumikila tuleza tuze tuno mutatazile mupepe. Nanti angala cino walaya ciza cafikiliziwa,

Ezaya 41:29

Endi, tuleza tuluwi tonsi utuwelewele. Twene tutangetucitepo icintu nanti cimwi. Ivinkolanya vyonsi vii, ivikacita antu ivya uwelewele. Vyene ivinyukuntike, na maka yakucita cimwi, yavilye.

Ezaya 44:25

Anene nkavulunganya usemo wakwe yakasema yaufi, nu kupelenganya amano yakwe yakasapoola. Nene nkakanya amalango ya antu yamano, nu kuyalangilila ukuti amano yao aciwelewele.

Yelemiya 27:10

Pano yene yakamusemela sile ivyaufi nu kuleka ukuti yamuzinge umu mpanga inu. Ala nemo ndamuzinga, mulalowa.

Yelemiya 27:14

Mutauvwa kuli yakasema yano yakumunena yati, “Mutatumikila umwene waku Babiloni, pano yene yakamusemela sile vyaufi.