Yowelo 3:9 - Amazwi Yakwe Leza 2013

⁹ “Umini imbila ii pakasi ka nko zyuze muti, ‘Iteyanyizini ukulwa inkondo, amini ivita vinu vyamaka. Asilika yonsi yapalame, yatandike ukulwa.

Yowelo 3:9 交叉參考

Ezekelo 38:7

Zwalilini, muiteyanye ningo, we mweneco pamwi ni vita vyako vyonsi, ukwika penepo na antu yonsi yano yakolongine ukwako apakwiza ntumika.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”

Yelemiya 50:2

“Umini imbila mu mitundu, mwimike ni mendela. Pundini mutafisa umulandu, muvwange muti, ‘Yatiyapoka Babiloni, Beli watalemwa ni nsonyi, Maliduki watatamoka. Utuluwi twakwe twatituzewana. Ivyawinyi vyakwe vyati viongoloka.’

Ezaya 34:1

Palamilini kuno mwe antu amitundu yonsi, kolonganini apakuti muvweko. Antu yonsi yano yikala pano nsi kaize yuvwe kunondi.

Masamu 96:10

Mwalazye umu inamasi muti, “Yawe ali Mwene! Insi yonsi izyansya, itange itelengane foo. Wene alapingwila imitundu yonsi nu ulungi.”

Yelemiya 6:4

Yene yalati, “Aleni muiteyanye ku kumulwisya! Katukini tumulwisye lino ilanzi lili umutwe papela.” Lelo lyene yalavwanga yati, “Iye mwe, caipa pano ilanzi lyatemba ni vinzingwa vya manguzi navyo vyatalimpisya.

Yelemiya 51:11

Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Ezekelo 38:17

Yawe Simwandalali wavwanga wati, ‘Awewe navwanzile umu nsita yampiti, lino aomvi yane yakasema amu Izlaeli, yasesime umu manda yalya, iyasowela ukuti ulayizila.’ ”

Hagai 2:7

Indi nu kusunkanya imitundu ya antu yonsi iyaya muno nsi alino ni cuma cao cilaletwa kunondi, icakuti nupya kwene Ng'anda yane ikulu ilazulamo ululumbi lukulu. Nene nkuvwanga ne Yawe Wamaka Onsi.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Zakaliya 14:3

Lyene Yawe nawe alakatuka, nu kuyalwisya antu yayo, ndi vino wacitanga na pa mpiti.